MATIUS 25:41 - PEJANJIAN EMPAI CERITAU ILUAK

⁴¹ Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

MATIUS 25:41 ပူးပေါင်းရင်းမြစ်များ

MATIUS 13:40

Mangku luak lalangtu ditunggalka ngan disilap dalam api, luak itu pulau aghi kiamat nanti.

MATIUS 13:42

Gegalaunyautu ka dicapakka dalam api nerakau. Di situ ughangtu ka nangis ngan nerinit gigi.

MATIUS 13:50

Mangku jemau ja'attu ka dicapakka dalam api nerakau. Di situla ughangtu ka nangis ngan sengsarau.”

MATIUS 18:8

Mangku amun tangan ngan keting kaba mbuat kaba bedusau, tetakla ngan capakkala. Iluakla kaba idup ngan tangan ngan keting sebela sangkan dicapakka dalam api nerakau ngan duau tangan ngan duau keting.

MATIUS 25:42

Karnau masau Aku lapagh, kamu nidau ngenju'i Aku makan. Masau Aku aus, kamu nidau ngenju'i Aku minum.

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

MATIUS 3:12

Di tanganAu la adau nighu endak nampi ighi'anNyau, padiAu endak ditunggalka dalam tengkiang. Gegalau ampaunyau ka disilap ngan api diau nidau ka padam.”

MATIUS 4:10

Mangku Yesus nimbal, “Kisitla kaba, Iblis! Di Injil ditulis, ‘Kaba mesti nyemba Tuhan, Allah kaba. Diau ajaula mesti kaba semba.’ ”

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

MATIUS 7:23

Masau itula Aku ka nimbali ughangtu, ‘Aku nidau kekela ngeruani kamu. Laratla jak di sini, kamu diau ngerjauka setu diau ja'at.’ ”

LUKAS 13:27

Anyautu tuan itu ka bekatau agi, ‘Aku nidau keruan kamu jak di manau. Pegila jak di sini, kamu diau ngerjauka setu diau ja'at!’

LUKAS 16:24

Mangku diau mintak tulung nian, kataunyau, ‘Bapak Abraham, sialkala aku! Ajungla Lasarus masuakka jaghiau ke ayiak mangku datang mbasai lidaku, karnau aku nanggung nian dalam api ini.’

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

2 TESALUNIKA 1:7

Mbak kini kitau diau sengsarau. Allah ka mbibaska kitau nanti, masau Tuhan Yesus tughun jak di sergau ngan malaikatAu diau bekuasau.

2 TESALUNIKA 1:9

Ughangtu ka benasau selelamaunyau, dicapakka keluagh jak di guak Tuhan, jak di kuasauNyau diau agung.

IBRANI 6:8

Anyautu amun tanatu ngasilka gheghumputan bedughi diau nidau begati, mangku ka didawaika ngan disilap ngan api.

2 PITRUS 2:4

Malaikat diau bedusau nidau dienangka Allah bibas jak di ukuman, dicapakka ke nerakau. Malaikattu dimasuakka ke tebuak tana diau keleman endak dita'an di situ enggut masau pengukuman.

1 YUHANIS 3:10

Inila tandaunyau anak Allah ngan anak Iblis: Jemau diau nidau ngerjauka kendak Allah diau ukan anak Allah. Luak itu pulau jemau diau nidau nyayangi jemau lain.