MATIUS 24:9 - PEJANJIAN EMPAI CERITAU ILUAK

⁹ Masau itu kamu ka ditangkap ngan diseraka endak disaraui ngan dibunua. Kamu ka diluatka gegalau jemau, karnau kamu percayau ngan Aku.

MATIUS 24:9 ပူးပေါင်းရင်းမြစ်များ

MATIUS 22:6

Adau pulau diau nangkap anak-bua rajautu, mangku dibaduki ngan dibunua.

MATIUS 23:34

Dengaghkala iluak-iluak, aku ngajung nabi, jemau bepengertian ngan guru-guru ukum Taurat njenguak kapu dighi. Adau jak di ughangtu diau ka kapu dighi bunua ngan pakuka di kayu salip. Adau diau ka kapu dighi siksau di ghuma-ghuma sembayang. Adau pulau diau ka kapu dighi jagal ke sutiak kuta ke kuta diau lain.

LUKAS 11:49

Luak ditulis dalam kitab Hikmat Allah, ‘Aku ka ngajung nabi-nabi ngan ajungan-ajunganKu njenguak ughangtu. Separau ka dibunua, separau ka diluatka ngan disiksau.’

LUKAS 21:12

Antak ka gegalaunyautu tejadi, kamu ka ditangkap, disiksau, mangku kamu ka diadili di ghuma sembayang ngan dimasuakka ke jil. Kamu ka dibata'i ngadap rajau ngan penguasau-penguasau, karnau kamu percayau ngan Aku.

YUHANIS 15:18

“Amun deniau luat ngan kamu, keruanila, Aku jak di senitu la diluatka deniau.

YUHANIS 15:21

Gegalaunyau ka dikerjauka ughangtu ngan kamu, karnau kamu anak-buaKu, karnau ughangtu nidau keruan Allah diau ngajung Aku.

YUHANIS 16:2

Kamu ka dikeluaghka jak di ghuma sembayang, mangku ka sampai masaunyau, jemau diau mbunua kamu, nyangkau diau melemakka ati Allah.

RASUL 28:22

Anyautu kami endak pulau ndengagh pendapat kaba, karnau gegalau kami la keruan, bansau ajaghan diau kaba percayaui dilawan di manau-manau.”

RASUL 7:59

Setipanus dang disipati, diau bedu'a, kataunyau, “Tuhan Yesus, terimaula ruaku.”

1 PITRUS 4:16

Anyautu amun kamu sengsarau karnau Keristus, nidau nanti maluan. Pujila Allah, karnau kamu dikiciakka jemau Keristen.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 2:13

Aku keruan bada kaba. Bada kaba di bada iblis. Empuak luak itu, kaba maju ngaku'i Aku. Kaba maju percayau ngan Aku, pulau masau Antipas, anak-buaKu diau tekun, dibunua di bada kaba, di bada iblistu.

PENGINA'AN 7:14

Katauku, “Tuan, aku nidau keruan. Dighitu ngeruaninyau.” Mangku diau bekiciak agi, “Ughangni jemau diau la beta'an di masau penanggungan diau beghat nian. Ughangni la nesa bajuau njadi putia ngan dagha Anak Bebiritu.