MATIUS 24:14 - PEJANJIAN EMPAI CERITAU ILUAK

¹⁴ Mangku ceritau iluak ceritau Allah endak merinta ka dikiciakka di gegalau deniau, mangku gegalau jemau ka ndengaghau. Udim itu kiamat.”

MATIUS 24:14 ပူးပေါင်းရင်းမြစ်များ

MATIUS 10:7

Kiciakkala ngan ughangtu, ‘Allah laka merinta luak rajau.’

MATIUS 18:19

Keruanila pulau, amun duau ughang jak di kamu di deniauni la sepakat endak mintak tuapau kila, pinta'an itu ka dibulihi BapakKu diau di sergau.

MATIUS 24:3

Mangku Yesus pegi ke Bukit Saitun. Diau dang duduak di situ, anak-buaHau datang endak ngiciak ngan Diau sughang. Katau ughangtu, “Kiciakkala ngan kami, kebilau titu ka tejadi? Tuapau tandaunyau Dighi ka ngulang agi ngan deniau laka kiamat?”

MATIUS 24:6

Kamu ka ndengagh muni perang ngan ceritau perang. Sepepadaula, nidau nanti takut. Gegalaunyautu mesti tejadi kudai. Anyautu deniau lum ka kiamat.

MATIUS 4:23

Yesus ngidari gegalau daira Galilia. Diau ngajagh di ghuma-ghuma sembayang ngiciakka ceritau iluak, bansau Allah endak merinta. Diau pulau meghadui gegalau jemau buidapan ngan jemau cacat.

MATIUS 9:35

Luak itula Yesus pegi ngidari gegalau kuta ngan dusun. Diau ngajagh dalam ghuma-ghuma sembayang ngan ngiciakka ceritau iluak, bansau Allah laka merinta luak rajau, mangku Diau meghaduka jemau jak di gegalau idapan ngan cacat.

MARKUS 13:10

Mangku ceritau iluak jak di Allah mesti dikiciakka kudai ngan gegalau bangsau.

LUKAS 2:1

Timpau itu Kaisar Agustus merintaka, supayau gegalau jemau ditulis namaunyau.

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

LUKAS 4:5

Udim itu Iblis mbatak Yesus ke bada Diau tinggi nian, mangku timpau jerang ajau diau nginakka ngan Yesus gegalau kerajauan deniau.

RASUL 1:2

enggut aghi Diau tuangkat ke sergau. Antak ka Diau tuangkat, ngan kuasau Rua Allah Diau ngajung rasul-rasul diau la dipilia itu.

RASUL 11:28

Jak di ughangtu adau sughang benamau Agabus. Diautu diajung Rua Allah ngiciakka, mbak bansau di gegalau deniau ka adau kelapaghan diau pansan. Titu tejadi masau Kaisar Kelaudius merinta.

RASUL 17:31

Diau la netapka aghi endak ngadili deniau ini ngan adil. Titu ka dikerjauka Sughang diau dipilia Allah. Mangku Allah la mbuktika titu ngan ngidupka Jemau itu jak di mati.”

RASUL 17:6

Anyautu karnau ughangtu nidau betemu ngan ughang duau itu, ditaghi'au Yasun ngan bebeghapau jemau percayau lainau ke pengulu-pengulu kuta, sampai tegauk, kataunyau, “Jemau diau ngacau di manau-manau la datang ke sini pulau.

RASUL 19:27

Bayaunyau, kerjau kitauni ka digelakka jemau. Ukan itu ajau, ghuma diwau Artemis pulau nidau ka bediau retiau agi. Mangku Artemistu ka kelengitan keagungannyau, awuak diautu disemba ngan dipuji gegalau jemau di Asia ngan gegalau deniau.”

RASUL 20:25

Aku la nandangi kapu dighi galau ngan la ngiciakka pulau ceritau Allah merinta njadi Rajau. Mbak kini keruanila, kapu dighi nidau ka betemu agi ngan aku.

RUM 10:18

Mangku aku betanyau, apu nyela ughangtu lum ndengaghkanyau? Cetau la ndengagh, karnau di Injil ditulis luak ini, “Suarau ughangtu la tedengagh di manau-manau, kici'an ughangtu la sampai ke gegalau deniau.”

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

KULUSI 1:6

Ceritau iluak jak di Allahtu la tesiar di gegalau deniau, mangku ngenjuakka setu diau iluak ngan jemau. Luak itu pulau kamu, jak kamu empai ndengagh ceritautu senitu ngan nerimau keilu'an Allah ngenian.

IBRANI 1:6

Masau Allah ngajung Ana'Au diau tuautu ke deniau, Diau bekatau, “Gegalau malaikat Allah mesti nyemba Diau.”

IBRANI 2:5

Ukan ngan malaikat Allah la ngenjuakka kuasau endak merinta deniau empai diau ka datang, deniau diau dang kitau kiciakka.

PENGINA'AN 14:6

Mangku aku nginak sughang malaikat lain terbang tinggi di langit. Di diau adau ceritau iluak diau selelamaunyau batan endak dikiciakka ngan jemau diau adau di deniau, gegalau bangsau ngan jungku ngan basau ngan pemili.

PENGINA'AN 16:14

Ruatu rua sitan diau mbuat tandau nyelia. Tigau ruatu pegi njenguak gegalau rajau di deniau ngajung betunggal endak beperang masau aghi besak, masau Allah nyatauka kuasauNyau.

PENGINA'AN 3:10

Kaba la nuruti kici'anKu endak nantika Aku ngan tekun. Karnau itu Aku ka njagaui kaba jak di masau penanggungan, masau gegalau jemau di deniau ka dicubaui.