MATIUS 22:3 - PEJANJIAN EMPAI CERITAU ILUAK

³ Rajau itu ngajung anak-buahau pegi nepatka jemau diau la dijeghuminyau ke jamuan itu. Anyautu jemau diau dijeghumitu enggup datang.

MATIUS 22:3 ပူးပေါင်းရင်းမြစ်များ

MATIUS 21:34

Laka pangkaunyau mutigh anggur, jemau ngempu kebun tadi ngajung anak-buahau pegi njenguak jemau parauan tadi endak mintak bagian asil kebunau.

MATIUS 23:37

“Ai jemau Yerusalim, nabi-nabi kamu bunua, ajungan Allah kamu sipati ngan batu enggut mati. La rajin Aku endak nunggalka anak-anak kamu, luak bai ayam nunggalka ana'au meghekupi di bawa sayapau, anyautu kamu enggup.

MATIUS 3:2

“Ubaila perembak ngan dusau kamu, karnau nidau lamau agi Allah ka merinta luak rajau.”

MATIUS 9:15

Yesus nimbal, “Apu kamu pacak ngajung kantin pengantin bingung ngan dukau di jamuan nika, selamau pengantinan gi adau guak ughangtu? Cengki nidau! Masaunyau ka sampai, pengantinantu ka diambiak jak di ughangtu. Masau itula ughangtu ka puasau.

LUKAS 13:34

Ui jemau Yerusalim, nabi-nabi kamu bunua, ajungan Allah kamu sipati ngan batu enggut mati. La rajin aku endak nunggalka kamu, luak bai ayam nunggalka ana'au meghekupi di bawa sayapau, anyautu kamu enggup.

LUKAS 15:28

Ana'au diau tuautu mara kematila, enggup masuak ke ghuma, mangku ba'au ngeluagh muji diau.

LUKAS 19:27

Mangku mbak kini batakla ke sini musua-musuaku diau nidau tetuju aku njadi rajaunyau. Bunuala gegalau ughangtu di adapanku.’ ”

YUHANIS 5:40

anyautu kapu dighi enggup datang njenguak Aku, mangku bulia idup itu.

RASUL 13:45

Anyautu, satu nginak jemau banyak itu, jemau Yahudi sengit nianan, mangku nggelakka Paulus ngan melawan kici'an Paulustu.

RUM 10:21

Ceritau jemau Israil dikiciakka Yesaya luak ini, “Luak ini katau Allah, ‘Aku maju endak bedamai ngan ughangtu, anyautu ughangtu maju melawan ngan enggup ta'at.’ ”

IBRANI 12:25

Karnau itu, sepepadaula, jangan adau diau enggup ndengagh diau ngiciaktu. Jemau diau enggup ndengaghka jemau diau ngiciakka katau Allah di deniauni nidau pacak melaghika diriau jak di ukuman. Apau agi kitau diau ndengaghka diau ngiciak jak di sergau. Amun kitau enggup ndengaghkaNyau, manau ka adau kitau nidau diukum.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!