MATIUS 22:16 - PEJANJIAN EMPAI CERITAU ILUAK

¹⁶ Mangku ughangtu ngajung anak-bua ughangtu njenguak Yesus serempak ngan bebeghapau anak-bua Herudis. Ughangtu bekatau ngan Yesus, “Pak Guru, kami keruan kici'an Dighi benagh. Dighi ngajaghka kendak Tuhan diau benagh. Dighi nidau ngirauka pendapat sapau kila, karnau Dighi nidau milia jemau.

MATIUS 22:16 ပူးပေါင်းရင်းမြစ်များ

MATIUS 22:24

“Pak guru, Musa ngajaghka luak ini: ‘Amun sughang jemau lanang mati lum adau anak, denga-sana'au mesti nika ngan randaunyau, mangku endak ngadauka jurai batan endak jemau diau la matitu.’

MATIUS 22:26

Luak itu pulau diau keduau ngan diau ketigau enggut diau ketujua mati galau, endiak bediau anak.

MATIUS 26:18

Yesus nimbal, “Pegila ke kuta njenguak sughang diau la ditetapka di situ, kiciakkala ngan diau, ‘Katau guru, masauKu la sampai. Aku endak makan jamuan Paska di ghuma dighi serempak ngan anak-buaKu!’ ”

MATIUS 26:49

La sampai di bada itu, Yudas masighi Yesus ngan bekatau, “Salam, Pak Guru.” Mangku diciumau.

MARKUS 10:17

Yesus endak bejalan agi, mangku adau jemau diau belaghi njenguak Diau. Jemautu nunduak di adapanNyau, mangku betanyau ngan Diau, “Pak Guru diau iluak, tuapau diau mesti kukerjauka, mangku aku bulia idup selelamaunyau?”

MARKUS 12:13

Udim itu adau jemau Parisi ngan jemau Herudis diajung nanyaui Yesus endak nyalakaNyau.

MARKUS 12:14

Ughangtu datang njenguak Yesus ngan bekatau, “Pak Guru, kami keruan kici'an Dighi benagh. Dighi ngajaghka kendak Allah ngan benagh. Dighi nidau ngirauka pendapat jemau, karnau Dighi nidau milia rupau. Karnau itu cubau Dighi kiciakka ngan kami: Nurut peraturan agamau kitau, apu bulia mbayigh cuki ngan Kaisar apu nidau? Apu mesti kitau bayighi cukitu?”

MARKUS 3:6

Mangku jemau Parisi tadi ngeluagh mangku langsung buijau ngan jemau Herudian endak mbunua Yesus.

MARKUS 8:15

Yesus bekatau ngan ughangtu, “Sepepadaula nian ngan ghagi jemau Parisi ngan ghagi Herudis.”

LUKAS 20:21

Ughangtu ngiciak luak ini, “Guru, kami keruan ajaghan ngan kici'an Dighi benagh. Dighi nidau milia jemau, tapitu ngajaghka kendak Tuhan ngan benagh.

LUKAS 7:40

Mangku Yesus ngiciak ngan diau, “Simun, adau diau endak Kukiciakka ngan kaba.” Timbal Simun, “Kiciakkala, Guru!”

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

YUHANIS 18:37

Mangku Pilatus betanyau agi ngan Diau, “Amun luak itu, Kaba rajau?” Timbal Yesus, “Nyela, katau dighi Akunila rajau. Aku lahir ngan datang ke deniau ini batan endak ngiciakka diau benagh. Bilang jemau diau asalau jak di diau benagh ndengaghka kici'anKu.”

YUHANIS 7:18

Jemau diau ngajaghka ajaghannyau sendighi mintak diregaui batan endak diriau sendighi, anyautu jemau diau ndalak pujian batan endak jemau diau ngajungau diautu benagh, nidau endak nian mbu'ung.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

2 KURINTUS 5:16

Karnau itu kami nidau agi ngeruani jemau nurut rupu'an manusiau. Nyela, senitu kami ngeruani Keristus nurut rupu'an manusiau, tapitu mbak kini nidau agi.

GALATIA 1:10

Luak manau akuni? Apu aku ngaghapka diregaui manusiau? Ukan, dikit kiala nidau. Aku cuman ngaghapka diregaui Allah. Apu aku beusaha melemakka ati manusiau, mangku dipuji jemau? Amun aku masia ngerjauka kerjau luak itu, aku ukan budak Keristus.

GALATIA 2:6

Empuak luak itu, nidau bediau setu diau dituntut jak di aku ngan jemau diau dianggap beregau. - Amun aku, nidau penting apu ughangtu beregau apu nidau, karnau Allah nidau milia rupau.

1 TESALUNIKA 2:4

Kami ngiciak ukan endak melemakka ati manusiau, tapitu endak melemakka ati Allah, karnau Allah nganggap kami pantas ngiciakka ceritau iluak itu. Diautu nguji ati kami.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.