MATIUS 21:15 - PEJANJIAN EMPAI CERITAU ILUAK

¹⁵ Anyautu imam-imam bepangkat tinggi ngan guru-guru ukum Taurat mara nian nginak gegalau tandau nyelia diau dibuatAutu, karnau budak-budak keciak besurak di Ghuma Allah, “Idup, Anak Daud!”

MATIUS 21:15 ပူးပေါင်းရင်းမြစ်များ

MATIUS 20:24

Ndengagh titu, sepulua anak-buaHau diau lain mara ngan jemau duau beghading tadi.

MATIUS 21:23

La udim itu Yesus ngulang agi ke Ghuma Allah mangku masuak ngan ngajagh di situ. Diau dang ngajagh, imam-imam bepangkat tinggi ngan tuau-tuau jemau Yahudi datang njenguak Diau ngan betanyau, “Pakai kuasau apau Kaba ngerjauka gegalaunyautu? Mangku sapau ngenjuakkanyau ngan Kaba?”

MATIUS 21:9

Jemau banyak diau bejalan di adapan ngan di belakang Yesus tegauk-gauk, “Idup, Anak Daud! Tepujila diau datang atas namau Tuhan. Tepujila Allah diau Mahatinggi!”

MATIUS 22:42

“Tuapau pendapat kapu dighi ceritau Mesias, Rajau Penyelamattu? Pengadau sapau Diau?” “Pengadau Daud,” katau ughangtu.

MATIUS 26:3

Masau itu imam-imam bepangkat tinggi ngan tuau-tuau jemau Yahudi betunggal di istana Imam Besak Kayapas.

MATIUS 26:59

Imam-imam bepangkat tinggi ngan gegalau pengadilan agamau beusaha nyalaka Yesus ngan kici'an mbu'ung, supayau pacak diukum mati.

MATIUS 27:1

Aghi gi akap nianan, gegalau imam bepangkat tinggi ngan tuau jemau Yahudi betunggal mutuska endak mbunua Yesus.

MATIUS 27:20

Anyautu imam-imam ngan tuau-tuau jemau Yahudi maju ngasung jemau banyaktu mintak ngan Pilatus, supayau Barabas dibibaska ngan Yesus diukum mati.

MATIUS 9:27

Yesus pegi jak di situ, mangku adau jemau butau duau ughang ngikut Diau sampai mantauiNyau, kataunyau, “Ui, Anak Daud, sialkala kamini!”

MARKUS 11:18

Imam-imam bepangkat tinggi ngan guru-guru ukum Taurat ndengagh ceritau tadi, mangku ughangtu mulai ndalak jalan endak mbunua Yesus. Ughangtu takut ngan Diau, karnau gegalau jemau kemangan ndengagh ajaghanNyau.

LUKAS 20:1

Adau saghi Yesus dang ngajagh jemau banyak di Ghuma Allah ngan ngiciakka ceritau iluak, imam-imam bepangkat tinggi, guru-guru ukum Taurat ngan tuau-tuau jemau Yahudi datang ke situ.

LUKAS 22:2

Imam-imam bepangkat tinggi ngan guru-guru ukum Taurat dang ndalak jalan endak mbunua Yesus carau diam-diam, karnau ughangtu takut ngan jemau banyak.

LUKAS 22:66

Aghitu la siang, tuau-tuau jemau Yahudi ngan imam-imam bepangkat tinggi ngan guru-guru ukum Taurat betunggal, mangku Yesus dibata'i ngadap pengadilan agamau.

YUHANIS 11:57

Imam-imam bepangkat tinggi ngan jemau Parisi la merintaka, bilang jemau diau keruan bada Yesus mesti ngiciakkanyau ngan ughangtu, supayau Yesus ditangkap.

YUHANIS 12:19

Mangku jemau Parisi ngiciak sughang ngan diau lain, kataunyau, “Na, kamu la nginak, kitau nidau pacak mbuat tuapau-apau. Gegalau jemau deniauni datang ngikut Diau.”

YUHANIS 4:1

Jemau Parisi ndengagh, banyakla Yesus bulia anak-bua sangkan Yuhanis, mangku dibaptiskaNyau.

YUHANIS 7:42

Dalam Injil ditulis, bansau Keristustu pengadau Rajau Daud, asalau jak di Betlihim, dusun Daud senitu.”