MATIUS 2:12 - PEJANJIAN EMPAI CERITAU ILUAK

¹² Mangku ughangtu baliak ke nenggeriau wuan jalan lain, karnau Allah la ngiciakka ngan ughangtu dalam mimpi, supayau jangan ngulang njenguak Herudis.

MATIUS 2:12 ပူးပေါင်းရင်းမြစ်များ

MATIUS 1:20

Masau Yusup merupuakka titu, diau bemimpi. Dalam mimpiautu diau tekinak sughang malaikat Tuhan bekatau ngan diau, “Yusup, pengadau Daud, nidau nanti takut nikai Maria, karnau anak dalam kandungannyautu jak di Rua Allah.

MATIUS 2:13

La udim ditinggalkanyau jemau ahli bintang tadi, Yusup tekinak malaikat Tuhan dalam mimpi. Malaikattu bekatau, “Bangunla kaba, bata'ila Kupiak ini ngan endu'tu, mangku pegila nyingkir ke Mesir. Mendamla di situ, enggut aku ngulang ngiciak agi ngan kaba, karnau rajau Herudis ndala'i Kupiak ini endak mbunuAu.”

MATIUS 2:19

Rajau Herudis la mati, Yusup tekinak agi malaikat Tuhan dalam mimpi, kataunyau,

MATIUS 2:22

Anyautu Yusup ndengagh, bansau Arkelaus anak Herudis nggentika ba'au njadi rajau di nenggeri Yudia, mangku diau takut pegi ke situ. Diau pegi ke daira Galilia, karnau diau dapat petunjuak Tuhan dalam mimpi.

MATIUS 27:19

Pilatus dang duduak di bada pengadilan, biniau bepesan ngan diau, “Jangan kamu ncampuri pekarau Jemau diau nidau besala itu. Di malam aku adau mimpi karut mangku nanggung nian karnau Jemau itu.”

LUKAS 2:26

Rua Allahtu la nyatauka ngan diau, bansau diau nidau ka mati, amun lum nginak Rajau Penyelamat diau dijanjika Tuhan itu.

RASUL 10:22

Ughangtu nimbal, “Kurnilius diau ngepala'i seratus tentera ngajung kami ke sini. Diautu jemau iluak ngan takut ngan Allah, lagi pulau diregaui nian ngan jemau Yahudi. Dalam pengina'an diau nginak sughang malaikat Allah ngajung diau pegi njenguak dighi, supayau dighi datang ke ghumahau, mangku diau pacak ndengaghka setu diau ka dighi ceritauka.”

RASUL 4:19

Anyautu Pitrus ngan Yuhanis nimbal, “Rupuakkala ngan kapu dighi, tuapau diau benagh di adapan Allah, na'ati perinta kapu dighi, apu na'ati perinta Allah?

RASUL 5:29

Pitrus ngan rasul lain nimbal, “Kami mesti nuruti kendak Allah, ukan kendak manusiau.

1 KURINTUS 3:19

Setu diau dianggap deniau pintar dikiciakka Allah bigal. Dalam Injil ditulis, “Allah ngenangka manusiau tetangkap ngan kepintarannyau.”

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

IBRANI 8:5

Kerjau imam diau dikerjauka ughangtu sebenaghau cuman mbayangka setu diau adau di sergau. Itu la dikiciakka Allah ngan Musa, masau diau endak negakka kima Tuhan. Katau Allah ngan diau, “Ingatkala, gegalaunyau mesti kaba kerjauka nurut cuntau diau la ditunjuakka ngan kaba di pucuak gunung.”