MATIUS 19:29 - PEJANJIAN EMPAI CERITAU ILUAK

²⁹ Jemau diau ninggalka ghumahau, ading-beghadingau, pejadiau, anak-ana'au ngan umaunyau karnau Aku, jemautu ka nerimau agi lipat gandau, mangku diau ka nerimau idup selelamaunyau.

MATIUS 19:29 ပူးပေါင်းရင်းမြစ်များ

MATIUS 10:22

Kamu ka diluatka gegalau jemau, karnau kamu percayau ngan Aku. Anyautu jemau diau beta'an enggut kesudiman ka selamat.

MATIUS 13:23

Benia diau tumban di tana diau iluak ibarat jemau diau ndengagh ceritau itu, mangku ngerti. Itula sebapau diau bebua. Adau diau seratus kali, adau diau enam pulua, adau diau tigau pulua.”

MATIUS 13:8

Mangku adau pulau benia diau tumban di tana iluak mangku bebua. Adau diau setangkai seratus butiak, adau diau enam pulua, adau diau tigau pulua.”

MATIUS 16:25

Karnau jemau diau endak ngilakka nyawaunyau ka kelengitan nyawaunyau. Jemau diau kelengitan nyawaunyau karnau Aku ka selamat.

MATIUS 19:16

Adau sughang jemau datang njenguak Yesus ngan betanyau, “Pak guru, kerjau diau iluak luak manau diau mesti kukerjauka, mangku aku bulia idup selelamaunyau?”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

MATIUS 5:11

Riangla kamu, amun kamu digelakka dianiayau, diburuakka ikak Aku.

MATIUS 6:33

Anyautu kamu beusahala, mangku Allah njadi rajau kamu, ngan kerjaukala kenda'Au, mangku gegalaunyautu ka dienjuakka ngan kamu.

LUKAS 14:26

“Jemau diau datang njenguak Aku endak njadi anak-buaKu, jemautu mesti nyayangi Aku lebia jak di ba'au, ma'au, buntingau, anak-ana'au, ading-beghadingau, lagi lebia jak di nyawaunyau sendighi. Amun nidau, diau endiak pacak njadi anak-buaKu.

LUKAS 5:11

Ughangtu naghiak perawu ke daghat, gegalaunyau ditinggalkanyau, mangku ngikut Yesus.

LUKAS 6:22

Riangla kamu, amun kamu diluatka, ditulak, digelakka ngan diburuakka jemau karnau Anak Manusiau.

YUHANIS 15:19

Misalau kamu semegi ngan jemau di deniau, cengki deniau ka nyayangi kamu, karnau kamu semegi ngan deniau. Anyautu karnau Aku la milia kamu jak di deniauni, kamu ukan semegi ngan deniau. Itula sebapau deniau luat ngan kamu.

YUHANIS 4:36

Mbak kini jemau diau ngetam la nerimau upahau, diau melungguakka asilau batan endak idup empai selelamaunyau, mangku jemau diau nanam ngan jemau diau ngetam semegi riangau.

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

1 KURINTUS 2:9

Luak itula diau ditulis dalam Injil, “Setu diau nidau kekela dikinak ngan didengagh manusiau, ngan nidau pulau kekela dirupuakka manusiau, titu disediauka Allah batan endak jemau diau nyayangiNyau.”

2 KURINTUS 5:16

Karnau itu kami nidau agi ngeruani jemau nurut rupu'an manusiau. Nyela, senitu kami ngeruani Keristus nurut rupu'an manusiau, tapitu mbak kini nidau agi.

PILIPI 3:8

Gegalaunyau kuanggap rugi, karnau beregaula ngeruani Keristus Tuhanku sangkan gegalaunyautu. Karnau Diautu, mangku aku ninggalka gegalaunyau. Kuanggap gegalaunyautu sesara, supayau aku bulia Keristus

1 PITRUS 4:14

Mujurla kamu, amun digelakka mbak kini karnau percayau ngan Keristus. Titu ngancakka, bansau Rua diau bekuasau, diautu Rua Allah, adau di kamu.

3 YUHANIS 1:7

Ughangtu bejalan endak nceritauka Yesus. Ughangtu ngerjaukanyau, anyautu nidau nerimau tuapau-apau jak di jemau diau nidau keruan Allah.