MATIUS 18:7 - PEJANJIAN EMPAI CERITAU ILUAK

⁷ Celakaula deniau ini ngan gegalaunyau diau nyesatka jemau. Nyela, pencubauan cengki ka adau, anyautu celakaula jemau diau nyebapkanyau.

MATIUS 18:7 ပူးပေါင်းရင်းမြစ်များ

MATIUS 16:23

Yesus nulia mangku bekatau ngan Pitrus, “Laratla iblis! Kaba ngalangi Aku. Rupu'an kabatu rupu'an manusiau, ukan rupu'an Allah.”

MATIUS 26:24

Nyela, Anak Manusiau ka mati nendiau, luak la ditulis dalam Injil. Anyautu celakaula jemau diau njualka Anak Manusiautu. Iluakla diau nidau dilahirka.”

MARKUS 13:7

Kamu ka ndengagh muni perang ngan ceritau perang. Anyautu nidau nanti takut. Gegalaunyautu mesti tejadi kudai. Anyautu deniau lum ka kiamat.

LUKAS 17:1

Yesus ngiciak ngan anak-buaHau, katauNyau, “Cetau ka adau jemau diau mbuat jemau lain bedusau. Anyautu celakaula jemau diau ngerjaukanyau.

YUHANIS 17:12

Masau Aku gi adau guak ughangtu, Aku la nyayia ughangtu ngan kuasau namau Dighi, namau diau la Dighi namauka ngan Aku. Aku la njagaui ughangtu, mangku nidau sughang kia jak di ughangtu benasau lain jak di jemau diau semestiau benasau, mangku setu diau ditulis dalam Injil ditepati.

RASUL 1:16

“Ui, adiak-sanak, setu diau ditulis dalam Injil mesti tejadi. Senitu Rua Allah ngan Daud ngiciakka Yudas diau ngajung jemau nangkap Yesustu.

1 KURINTUS 11:19

Nyela, sepantasau adau pepecahan di antarau jemau Keristen, supayau kina'an, sapau jak di kamu diau Keristen diau ngenian.

1 TIMUTIUS 6:1

Jemau diau njadi budak mesti nganggap tuanau pantas diregaui, mangku namau Allah ngan ajaghan kitau nidau pacak dikarutka jemau.

TITUS 2:5

bepengertian, idup beresia, ngurus ghuma-tanggaunyau iluak-iluak, ta'at ngan lakiau. Mangku nidau bediau diau pacak nggelakka katau Allah.

TITUS 2:8

Kiciakkala katau diau bepengertian diau nidau pacak disalaka jemau, mangku lawan kaba maluan, karnau nidau bediau setu diau nidau iluak diau pacak ughangtu kiciakka ceritau kitau.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.