MATIUS 17:18 - PEJANJIAN EMPAI CERITAU ILUAK

¹⁸ Yesus mbentak diau, mangku rua ja'attu keluagh jak di diau. Masau itu pulau anak itu ghadu.

MATIUS 17:18 ပူးပေါင်းရင်းမြစ်များ

MATIUS 12:22

La udim itu dibatak njenguak Yesus sughang butau ngan bisu karnau diarung iblis. Yesus meghaduka jemautu, mangku diau pacak ngiciak ngan nginak.

MATIUS 15:28

Mangku katau Yesus, “Ui, dighi percayau nian. Tejadila setu diau dighi kenda'i.” Masau itu pulau ana'au ghadu.

MATIUS 17:17

Katau Yesus, “Ui, kamuni jemau nidau percayau lagi sesat. Lamau beghapau agi Aku mesti guak kamu? Lamau beghapau agi Aku mesti ngaligh ngan kamu? Batakla anak itu ke sini!”

MATIUS 17:19

Udim itu anak-buaHau datang njenguak Yesus sughang ngan betanyau ngan Diau, “Tuapau sebapau kami nidau pacak melaratka iblis tadi?”

MATIUS 9:22

Mangku Yesus nulia nginak diau sampai bekatau, “Tetapkala ati kaba. Karnau kaba percayau kaba dighadui.” Masau itu pulau daghahau mandak melilia.

MARKUS 1:34

Yesus meghadui serbau idapan jemau banyaktu ngan ngisitka iblis. Diau nidau ngajung iblistu ngiciak, karnau diau keruan, sapau Yesustu.

MARKUS 5:8

Diau ngiciak luak itu, karnau Yesus la ngiciak ngan diau, “Ui, iblis, keluaghla jak di jemau ini!”

LUKAS 4:41

Iblis-iblis pulau ngeluagh jak di banyak jemau sampai mekiak-mekiak, kataunyau, “Kaba Anak Allah.” Mangku Yesus marai iblis itu, nidau ngajung diau ngiciak, karnau iblistu keruan, bansau Diautu Rajau Penyelamat.

LUKAS 8:29

Diau ngiciak luak itu, karnau Yesus ngajung iblis itu ngeluagh jak di diau. Iblis rajin mbanting-bantingka diau. Tanganau dikebat ngan rantai ngan ketingau dighimpus, supayau nidau bejalan. Empuak luak itu, diau masia pacak pulau mutuska rantaitu, mangku dibata'i iblistu ke bada diau suni.

LUKAS 9:42

Budak keciak itu dang bejalan njenguak Yesus, iblis itu mbanting-bantingka diau ke tana, mangku diguliakkanyau. Yesus mbentak iblis itu sampai meghadui budak keciak tadi, mangku diserakaNyau ngan ba'au.

RASUL 16:18

Bebeghapau aghi tinautu maju ngiciak luak itu. Mangku Paulus nidau ta'an agi ndengaghau. Diau nulia ngan bekatau ngan rua itu, “Ngan kuasau Yesus Keristus aku ngajung kaba keluagh jak di tinau ini. Keluaghla kaba!” Masau itu pulau rua itu ngeluagh.