MATIUS 16:13 - PEJANJIAN EMPAI CERITAU ILUAK

¹³ Yesus la sampai di daira Kaisaria Pilipi. Di situ Diau betanyau ngan anak-buaHau, “Katau jemau, sapau Anak Manusiau?”

MATIUS 16:13 ပူးပေါင်းရင်းမြစ်များ

MATIUS 12:32

Amun jemau ngiciakka setu melawan Anak Manusiau, jemautu pacak diampuni. Anyautu jemau diau ngiciakka setu nggelakka Rua Allah nidau pacak diabisi dusaunyau, empuak di deniau mbak kini empuak nantitu.”

MATIUS 12:40

Nabi Yunus mendam dalam peghut ikan tigau aghi tigau malam. Luak itula pulau Anak Manusiau ka mendam dalam tana tigau aghi.

MATIUS 12:8

Karnau Anak Manusiau nguasaui aghi Sabat.”

MATIUS 13:37

Mangku katau Yesus, “Jemau diau ngamburka benia diau iluak ibarat Anak Manusiau.

MATIUS 13:41

Anak Manusiau ka ngajung malaikatAu nunggalka gegalaunyau diau mbuat jemau bedusau ngan gegalaunyau diau ngerjauka setu diau ja'at jak di umatAu.

MATIUS 15:21

Udim itu Yesus ninggalka bada itu pegi ke daira Tirus ngan Sidun.

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MATIUS 16:28

Keruanila, jak di kamuni di sini adau diau nidau ka mati, amun lum nginak Anak Manusiau datang luak rajau.”

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

MATIUS 8:20

Katau Yesus, “Landak adau lubangau, burung adau saghangau, anyautu Anak Manusiau endiak bediau badaHau.”

MATIUS 9:6

Anyautu Akuni ka ngajung jemau ini bangun, supayau kapu dighi keruan, bansau Anak Manusiau bekuasau di deniauni ngabiska dusau.” Mangku Diau ngiciak ngan jemau lumpua itu, katauNyau, “Bangunla kaba, katangkala penjagang kaba, mangku baliakla ke ghuma kaba!”

MARKUS 10:45

Karnau Anak Manusiau pulau datang ukan batan endak ditulung, tapitu batan endak nulung manusiau ngan nyeraka nyawauNyau nebusi banyak jemau.”

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

YUHANIS 1:51

Mangku Yesus bekatau agi, “Percayaula nian ngan katauKu ini: Kaba ka nginak langit tebukak ngan malaikat-malaikat Allah nayiak tughun ke Anak Manusiau.”

YUHANIS 12:34

Jemau banyak itu ngiciak ngan Diau, kataunyau, “Kami la keruan jak di ukum Taurat, bansau Mesias, Rajau Penyelamattu, ka idup selelamaunyau. Luak manau Kaba pacak ngiciak, Anak Manusiau mesti dinayiakka. Sapau Anak Manusiau itu?”

YUHANIS 3:14

Luak Musa nayiakka ulagh ke kayu setak di padang bungin, luak itula pulau Anak Manusiau mesti dinayiakka,

YUHANIS 5:27

Mangku Diau pulau la ngenjuakka ngan Diau kuasau ngadili, karnau Diautu Anak Manusiau.

RASUL 10:38

Kapu dighi la keruan katau Yesus, jemau Nasarittu, mbak bansau Diautu dipilia Allah ngan dienjuakkaNyau Rua Allah ngan kuasau, mangku Diautu pegi ke manau-manau endak ngerjauka setu diau iluak ngan meghadui gegalau jemau diau diarung iblis, karnau Allah nyertaui Diau.

RASUL 7:56

“Ngenian,” katau Setipanustu, “Aku nginak langit tebukak ngan Anak Manusiau betegak di sebela kanan Allah.”