MATIUS 15:31 - PEJANJIAN EMPAI CERITAU ILUAK

³¹ Mangku jemau banyak diau adau di situ kemangan nginak jemau bisu pacak ngiciak, jemau cingkung ngan kincut ghadu, jemau lumpua pacak bejalan ngan jemau butau pacak nginak, mangku ughangtu ngagungka Allah jemau Israil.

MATIUS 15:31 ပူးပေါင်းရင်းမြစ်များ

MATIUS 15:30

Banyak nianan jemau datang bererumbungan njenguak Diau mbatak jemau lumpua, jemau cingkung ngan kincut, jemau butau, jemau bisu ngan banyak diau buidapan lain, ditepiakkanyau guak keting Yesus, mangku dighaduiNyau gegalau ughangtu.

MATIUS 18:8

Mangku amun tangan ngan keting kaba mbuat kaba bedusau, tetakla ngan capakkala. Iluakla kaba idup ngan tangan ngan keting sebela sangkan dicapakka dalam api nerakau ngan duau tangan ngan duau keting.

MATIUS 21:14

Jemau butau ngan jemau lumpua datang njenguak Yesus di Ghuma Allah, mangku dighadukaNyau.

MATIUS 8:10

Ndengagh kici'annyautu Yesus kemangan nian, mangku Diau ngiciak ngan jemau banyak diau ngikut Diau, katauNyau, “Nyela nian katauKu ini, di guak jemau Israil lum kekela Aku nemuka iman sebesak ini.

MATIUS 9:32

Masau ughang duautu tadi pegi, jemau bisu diau diarung iblis dibata'i guak Yesus.

MATIUS 9:33

Yesus ngisitka iblis itu, mangku jemautu pacak ngiciak agi. Jemau banyak itu kemangan ngan bekatau, “Setu luak ini lum kekela tekinak ngan jemau Israil.”

MATIUS 9:8

Masau jemau banyak nginak setu diau tejaditu, ughangtu takut galau mangku ngagungka Allah, karnau Allah ngenjuakka kuasau besak ngan manusiau.

MARKUS 2:12

Masau itula pulau jemautu bangun, ngatangka bada tidu'au mangku ngeluagh, dikina'i gegalau ughangtu. Gegalau jemautu kemangan galau, mangku ngunjungka Allah, kataunyau, “Lum kekela kitau nginak setu luak itu!”

MARKUS 7:37

Jemau diau ndengagh ceritau itu kepagauan nianan, kataunyau, “Gegalaunyau dijadikaNyau iluak. Jemau tuli dijadikaNyau pacak ndengagh. Jemau bisu dijadikaNyau pacak ngiciak.”

MARKUS 9:43

Amun tangan kaba mbuat kaba bedusau, tetakla tangan kabatu. Iluakla kaba idup ngan Allah ngan tangan sebela, sangkan masuak nerakau ngan duau bela tangan, di api diau nidau ka padam-padam. [

LUKAS 14:13

Amun dighi endak njamu, aja'ila jemau serik, jemau cacat, jemau lumpua ngan jemau butau.

LUKAS 14:21

Mangku anak-bua tadi baliak ngiciakka gegalaunyau ngan tuanau. Tuan itu mara nian, mangku bekatau ngan anak-buahau, ‘Pegila gegasip ke bilang jalan ngan penyimpangan, bata'ila ke sini jemau serik, jemau cacat, jemau butau, jemau lumpua.’

LUKAS 18:43

Masau itu pulau jemautu pacak nginak, mangku diau ngikut Yesus sampai beterimau-kasia ngan Allah. Jemau banyak diau nginak titu ngagungka Allah pulau.

LUKAS 7:16

Gegalau jemau ketakutan galau, mangku muji-muji Allah, kataunyau, “Sughang Nabi besak la datang di guak kitau. Allah la datang nulung umatAu.”

YUHANIS 9:24

Mangku jemau Yahuditu tadi mantau jemau diau senitu butautu sekali agi, ngiciak ngan diau, “Besumpala, kaba ka ngiciakka diau benagh. Kami keruan jemau diau meghadui kaba jemau bedusau.”