MATIUS 13:44 - PEJANJIAN EMPAI CERITAU ILUAK

⁴⁴ “Amun Allah merinta luak rajau, keadaannyau luak ceritau ini: Adau retau diau tependam dalam tana, mangku adau jemau diau ndapatau, dimasuakka agi. Mangku karnau riang nian diau pegi njual gegalau retaunyau mangku mbeli tana itu.”

MATIUS 13:44 ပူးပေါင်းရင်းမြစ်များ

MATIUS 13:24

Yesus nceritauka agi ceritau ini ngan jemau banyak, katauNyau, “Amun Allah merinta, keadaannyau luak ini: Adau sughang jemau ngamburka benia diau iluak di umaunyau.

MATIUS 13:46

Satu diau dapat mutiara diau beregau nian, diau pegi cecepat njual gegalau retaunyau mangku mbeli mutiara diau sutiak itu.”

MATIUS 13:47

“Amun Allah merinta luak rajau, keadaannyau diumpamauka ngan jalau diau dikipaska dalam laut, mangku dapat serbau mecam ikan.

MATIUS 19:21

Yesus bekatau, “Amun kaba endak njadi iluak nian, pegila, jualkala gegalau retau kaba, enjuakkala tanciautu ngan jemau serik, mangku kaba ka bulia retau di sergau. La udim itu datangla ke sini ngikut Aku.”

MATIUS 19:27

Mangku Pitrus bekatau ngan Yesus, “Kina'ila, kamini la ninggalka gegalau retau kami endak ngikut Dighi. Tuapau diau ka dienjuakka ngan kami?”

MATIUS 19:29

Jemau diau ninggalka ghumahau, ading-beghadingau, pejadiau, anak-ana'au ngan umaunyau karnau Aku, jemautu ka nerimau agi lipat gandau, mangku diau ka nerimau idup selelamaunyau.

MATIUS 6:21

Karnau di manau adau retau kaba, di situ pulau ati kaba.

LUKAS 14:33

Yesus bekatau agi, “Luak itu pulau ngan kamu, sughang kia jak di kamu nidau pacak njadi anak-buaku, amun nidau ninggalka gegalau retaunyau.

YUHANIS 6:35

Katau Yesus, “Akunila makanan diau ngenjuakka iduptu. Jemau diau datang njenguak Aku nidau ka lapagh agi, mangku jemau diau percayau ngan Aku nidau ka aus agi.

RUM 15:4

Gegalaunyau diau la ditulis di Injil endak ngajagh kitau, supayau kitau tekun ngan tegua ngaghapka Allah, karnau ajaghan Injiltu.

KULUSI 2:3

Keristus itula kunci ngeruani gegalau keilu'an ngan pengertian Allah diau lum dikeruani.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

IBRANI 10:34

Kamu ngikut meghasauka kemada'an jemau diau dijilka. Masau gegalau retau kamu diambiak jemau, kamu maju riang, karnau kamu keruan, kamu adau setu diau lebia iluak agi diau ka ta'an selelamaunyau.

PENGINA'AN 3:18

Karnau itula aku negughi kaba, supayau kaba mbeli jak di Aku emas diau asli, la diuji dalam api, mangku kaba njadi kayau. Mangku belila pulau baju putia, supayau kaba makaiau, mangku jangan kina'an kaba telanjang diau malukatu. Mangku belila pulau minyak batan endak mbasua matau kaba, mangku kaba pacak nginak.