MATIUS 13:39 - PEJANJIAN EMPAI CERITAU ILUAK

³⁹ Musua diau ngamburka benia lalang itu Iblis. Masau ngetam aghi kiamat, mangku jemau diau ngetam itu malaikat-malaikat.

MATIUS 13:39 ပူးပေါင်းရင်းမြစ်များ

MATIUS 12:32

Amun jemau ngiciakka setu melawan Anak Manusiau, jemautu pacak diampuni. Anyautu jemau diau ngiciakka setu nggelakka Rua Allah nidau pacak diabisi dusaunyau, empuak di deniau mbak kini empuak nantitu.”

MATIUS 13:22

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an tadi nidau pacak mendam di atiau, mangku endiak bebua.

MATIUS 13:25

Adau semalam jemau dang tiduak galau, musua datang ngamburka benia lalang di pugan padi tadi mangku pegi.

MATIUS 13:28

Jemautu nimbal, ‘Itu kerjau musua.’ Mangku anak-buahau betanyau, ‘Dighi ngajung kami pegi ncabut lalang itu?’

MATIUS 13:40

Mangku luak lalangtu ditunggalka ngan disilap dalam api, luak itu pulau aghi kiamat nanti.

MATIUS 13:49

Luak itu pulau masau kiamat malaikat-malaikat ka pegi ngasingka jemau diau ja'at jak di jemau diau ngerjauka kendak Allah.

MATIUS 24:3

Mangku Yesus pegi ke Bukit Saitun. Diau dang duduak di situ, anak-buaHau datang endak ngiciak ngan Diau sughang. Katau ughangtu, “Kiciakkala ngan kami, kebilau titu ka tejadi? Tuapau tandaunyau Dighi ka ngulang agi ngan deniau laka kiamat?”

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

MATIUS 28:20

ajaghkala ughangtu ngerjauka gegalaunyau diau la Kukiciakka ngan kamu. Ingatkala, Aku ka maju adau guak kamu enggut aghi kiamat.”

1 KURINTUS 10:11

Gegalaunyautu tejadi ngan ughangtu njadi cuntau ngan jemau lain, mangku ditulis njadi peringatan batan endak kitau, kitau diau idup masau pengabisan saman ini.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

IBRANI 1:2

Masau pengabisan ini Diau la ngajung Ana'Au ngiciak ngan kitau. Diau ngajung Ana'Autu njadika langit ngan deniau ngan gegalau isiau, mangku ditetapkaNyau behak nerimau gegalaunyau.

IBRANI 9:26

Misalau Keristus semegi ngan imam besak tadi, bereti jak deniau dijadika Diau mesti rajin sengsarau. Anyautu tenyatau mbak kini masau pengabisan ini Diau datang sekali ajau endak ngabiska dusau ngan carau ngerbanka diriAu.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

YUDAS 1:14

Hinuk, pengadau piyut Adam, senitu la ngiciakka ughangtu, kataunyau, “Kina'ila, Tuhan datang ngan beribu-ribu malaikatAu diau suci

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.