MATIUS 13:23 - PEJANJIAN EMPAI CERITAU ILUAK

²³ Benia diau tumban di tana diau iluak ibarat jemau diau ndengagh ceritau itu, mangku ngerti. Itula sebapau diau bebua. Adau diau seratus kali, adau diau enam pulua, adau diau tigau pulua.”

MATIUS 13:23 ပူးပေါင်းရင်းမြစ်များ

MATIUS 12:33

“Batang diau kamu katauka iluak ngasilka bua diau iluak. Batang diau kamu katauka nidau iluak ngasilka bua diau nidau iluak. Bilang batang dikeruani jak di buahau.

MATIUS 13:8

Mangku adau pulau benia diau tumban di tana iluak mangku bebua. Adau diau setangkai seratus butiak, adau diau enam pulua, adau diau tigau pulua.”

MATIUS 3:10

Kapak la adau di akagh kayu, mangku bilang kayu diau nidau ngasilka bua diau iluak ditebang mangku dicapakka dalam api.

MATIUS 3:8

Nyataukala ngan perembak kamu, bansau kamu la ngubai jak di dusau kamu.

MARKUS 10:15

Ingatkala nian kici'anKu ini: Jemau diau nidau nyambut Allah njadi rajau dalam idupau luak sughang budak keciak, jemautu nidau pacak masuak sergau.”

MARKUS 4:20

Mangku benia diau tumban di tana iluak tadi umpamau jemau diau ndengaghka ceritau Allah ngan nerimaunyau, mangku bebua banyak. Asilau adau diau tigau pulua, adau diau enam pulua, adau pulau diau seratus.”

LUKAS 13:9

Asauku taun di mukau ka bebua. Amun nidau, aku ka nebangau.’ ”

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

LUKAS 8:8

Adau pulau benia diau tumban di tana iluak, diau tumbua mangku ngasilka bua seratus kali.” Udim nceritauka umpamau itu, Yesus ngiciak agi, “Amun betelingau, ndengaghla!”

YUHANIS 15:16

Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

YUHANIS 8:47

Jemau diau asalau jak di Allah ndengaghka kici'an Allah, anyautu asal kapu dighi ukan jak di Allah. Itula sebapau kapu dighi enggup ndengaghiNyau.”

RASUL 16:14

Adau sughang jak di tinautu, namaunyau Lidia, asalau jak di Tiatira. Diautu tukang dagang kain ungu diau besak regaunyau. Diautu nyemba Allah. Tuhan mbukakka atiau, mangku diau nerimau kici'an Paulus,

RASUL 17:11

Jemau Yahudi di kuta itu nerimau nian kici'an Paulus, ukan luak jemau Tesalunika. Ngan riang ughangtu ndengaghka ceritau Yesus. Idang aghi ughangtu melajaghi nian Injil endak ngeruani, apu gegalaunyau nyela luak itu.

2 KURINTUS 9:10

Allah nyediauka benia ngan tukang tanam ngan makanan batan endak kitau. Diau pulau ka nyediauka banyak benia batan endak kamu nanam, ka dibuat banyak asilau, mangku keilu'an ati kamu ka tamba banyak pulau.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

PILIPI 4:17

Ukan aku cuman endak nerimau pengenjuak. Diau aku endak, supayau kamu adau asil diau nguntungka kamu.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 1:6

Ceritau iluak jak di Allahtu la tesiar di gegalau deniau, mangku ngenjuakka setu diau iluak ngan jemau. Luak itu pulau kamu, jak kamu empai ndengagh ceritautu senitu ngan nerimau keilu'an Allah ngenian.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

2 TESALUNIKA 2:10

Diau ka makai gegalau mecam tipuan diau ja'at ngan jemau diau ka benasau. Ughangtu ka benasau nian, karnau ughangtu enggup nerimau, nidau meregaui ceritau benagh jak di Allah diau pacak nyelamatka ughangtu.

IBRANI 4:2

Ceritau iluak itu la dikiciakka ngan kitau luak diau la dikiciakka ngan ughangtu. Anyautu nidau bediau gatiau ceritautu dikiciakka, amun jemau diau ndengaghau nidau percayau.

IBRANI 6:7

Allah itu iluak ngan tana diau ngisap ayiak ujan diau rajin mbasainyau mangku ngasilka tanaman diau begunau batan endak jemau diau ngerjaukanyau.

IBRANI 8:10

“Mangku inila janji diau Kujanjika ngan umat Israil,” katau Tuhan, “Masaunyau ka sampai, Aku ka mbuat ughangtu maju merupuakka perintaKu, mangku ati ughangtu ka maju ngingatkanyau. Aku ka njadi Allah ughangtu, mangku ughangtu ka njadi umatKu.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.