MATIUS 11:5 - PEJANJIAN EMPAI CERITAU ILUAK

⁵ Jemau butau nginak, jemau lumpua bejalan, jemau buidapan ja'at ghadu, jemau tuli ndengagh, jemau mati ngulang idup, ngan ceritau iluak dikiciakka ngan jemau sarau.

MATIUS 11:5 ပူးပေါင်းရင်းမြစ်များ

MATIUS 10:8

Ghadukala jemau buidapan, idupkala jemau mati, ghadukala jemau buidapan ja'at, laratkala iblis. Gegalau kuasau itu dienjuakka ngan kamu nidau dibeli. Karnau itu enjuakkala pulau nidau mintak bayighan.

MATIUS 11:4

Yesus nimbal, “Baliakla, kiciakkala ngan Yuhanis setu diau kamu kinak ngan dengagh:

MATIUS 12:13

Udim itu Yesus bekatau ngan jemau diau mati sebela tanganau, “Unjughkala tangan kaba!” Jemau itu ngunjughka tanganau, mangku tanganautu ghadu njadi luak tangan diau sebela.

MATIUS 21:14

Jemau butau ngan jemau lumpua datang njenguak Yesus di Ghuma Allah, mangku dighadukaNyau.

MATIUS 5:3

“Riangla jemau diau meghasau nidau pacak mbuat tuapau-apau ngan ngaghapka Allah ajau, karnau diau diterimau Allah njadi umatAu.

MATIUS 9:30

Mangku ughang duautu pacak nginak. Yesus ngingatka ngan ughangtu nian, katauNyau, “Jangan ngiciakka ceritau ini ngan sughang kia.”

MARKUS 7:37

Jemau diau ndengagh ceritau itu kepagauan nianan, kataunyau, “Gegalaunyau dijadikaNyau iluak. Jemau tuli dijadikaNyau pacak ndengagh. Jemau bisu dijadikaNyau pacak ngiciak.”

MARKUS 9:25

Yesus nginak jemau banyak datang ngelilingi Diau, Diau ngajung iblistu kisit, katauNyau, “Ui kaba, iblis diau mbuat bisu ngan tuli, kisitla jak di budak keciak ini. Jangan ngarung diau agi!”

LUKAS 4:18

“Rua Tuhan adau di Aku, karnau Diau la netapka Aku endak ngiciakka ceritau iluak ngan jemau serik-sarau. Diau ngajung Aku ngebarka, bansau jemau tetangkap ka diluputka ngan jemau butau ka pacak nginak. Diau ngajung Aku nulung jemau diau dipasau

YUHANIS 10:25

Katau Yesus, “La Kukiciakka ngan kapu dighi, anyautu kapu dighi enggup percayau. Kerjau diau Kukerjauka atas namau BapakKu mbuktika sapau Aku.

YUHANIS 10:38

Anyautu amun Aku ngerjaukanyau, percayaula ngan kerjauKu, empuak kapu dighi nidau percayau ngan Aku. Mangku kapu dighi keruan ngan ngerti, bansau Bapak adau di dalam Aku, Aku di dalam BapakKu.”

YUHANIS 2:23

Penarau Yesus di Yerusalim selamau aghi rerayau Paska, banyak jemau percayau ngan Diau, karnau la nginak tandau-tandau diau dikerjaukaNyau.

YUHANIS 3:2

Adau semalam diau datang njenguak Yesus, kataunyau, “Rabi, kami keruan, Kaba sughang Guru diajung Allah, karnau nidau bediau sughang kia diau pacak mbuat tandau diau luak Kaba buat, amun ukan Allah diau ngenjuakka kuasau ngan diau.”

YUHANIS 5:36

Anyautu Akuni adau tandau bukti lain pulau, pentingla diau sangkan kici'an Yuhanistu. Setu diau la dienjuakka Bapak ngan setu diau Kukerjauka mbak kini nyatauka Aku diajung Bapak.

YUHANIS 9:7

mangku bekatau ngan diau, “Pegila, bebasuala kaba di kulam Siluam.” Siluam retiau “diajung”. Mangku jemautu pegi mbasua dayiau, udim itu baliak, mataunyau la nginak.

RASUL 2:22

Ui, kapu dighi, dengaghkala kataukuni. Yesus, jemau Nasarit itu, la dipilia Allah. Itu dinyatauka ngan kapu dighi ngan tandau-tandau ngan setu diau nyelia diau dikerjauka Yesus guak kapu dighi ngan kuasau Allah, luak kapu dighi la keruan galau.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.