MATIUS 11:28 - PEJANJIAN EMPAI CERITAU ILUAK

²⁸ Mela, jenguakla Aku gegalau kamu diau litak ngan bebata'an beghat. Aku ka ngenjuakka ampung ngan kamu.

MATIUS 11:28 ပူးပေါင်းရင်းမြစ်များ

MATIUS 11:29

Tanggungkala selungku diau Kukenauka ngan kamu, mangku belajaghla jak di Aku, karnau Aku ngaligh ngan nidau geduak, mangku kamu ka njadi tenang.

MATIUS 23:4

Ughangtu nuntut setu diau segau ngan ngenjuakka peraturan diau segau, anyautu dikit kia ughangtu nidau nulung jemau ngerjaukanyau.

YUHANIS 6:37

Gegalau jemau diau dienjuakka Bapak ngan Aku ka datang njenguak Aku, mangku jemau diau njenguak Aku, cetau nidau ka Kutulak.

YUHANIS 7:37

Aghi pengabisan masau rerayautu, aghi diau penting sekali, Yesus betegak dalam Ghuma Allah mangku ngiciak ngan suarau bias, katauNyau, “Jemau diau aus, jenguakla Aku mangku minumla!

RASUL 15:10

Amun luak itu, ngapau kapu dighi endak nguji kesabaran Allah ngan ngajung ngerjauka ukum diau beghat diau nidau pacak kitau turuti ngan niniak puyang kitau pulau nidau pacak.

RASUL 20:35

Ngan gegalaunyautu aku la ngenjuakka penauan ngan kapu dighi, bansau ngan kerjau luak itula kitau mesti nulung jemau diau nidau kuat. Kitau mesti ngingatka katau Tuhan Yesus diau dikiciakkaNyautu, ‘Iluakla ngenjuak sangkan nerimau!’ ”

GALATIA 5:1

Kitau mbak kini bibas, karnau Keristus la mbibaska kitau. Karnau itu ta'ankala kebibasan kamu, jangan endak dibudakka agi.

2 TESALUNIKA 1:7

Mbak kini kitau diau sengsarau. Allah ka mbibaska kitau nanti, masau Tuhan Yesus tughun jak di sergau ngan malaikatAu diau bekuasau.

IBRANI 4:1

Itula sebapau iluakla kitauni sepepadau, supayau jangan sughang kiala jak di kamu diau ketinggalan, empungan gi adau janji bulia bada gheghadu.

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!