MATIUS 10:40 - PEJANJIAN EMPAI CERITAU ILUAK

⁴⁰ Jemau diau nerimau kamu nerimau Aku. Jemau diau nerimau Aku nerimau pulau diau ngajung Aku.

MATIUS 10:40 ပူးပေါင်းရင်းမြစ်များ

MATIUS 18:5

Jemau diau nerimau sughang budak keciak luak diauni karnau Aku diautu nerimau Aku.”

MATIUS 25:40

Mangku Rajau itu ka nimbal, ‘Keruanila, setu diau kamu ngerjauka ngan sala sughang kantinKu ini empuak diau inau sekali, kamu kerjauka batan endak Aku.’

MATIUS 25:45

Mangku Rajau itu ka nimbal, ‘Keruanila, masau kamu nidau nulung sala sughang kantinKu ini, empuak diau inau sekali, kamu nidau nulung Aku.’

MARKUS 9:37

“Jemau diau nerimau sughang budak keciak luak diauni karnau Aku, semegi ajau ngan nerimau Aku. Mangku jemau diau nerimau Akuni, ukan nerimau Aku ajau, tapitu nyambut pulau diau ngajung Aku.”

LUKAS 10:16

Mangku Yesus bekatau ngan anak-buaHau, “Jemau diau ndengaghka kamu ndengagh Aku. Jemau diau nidau nerimau kamu nidau nerimau Aku, mangku jemau diau nidau nerimau Aku, nidau pulau nerimau Allah diau ngajung Aku.”

LUKAS 9:48

mangku Diau bekatau, “Jemau diau nerimau sughang budak keciak luak diauni karnau Aku diau nerimau Aku. Mangku jemau diau nerimau Aku nerimau pulau Allah diau ngajung Aku. Karnau jemau diau nidau penting jak di kamu, diaula penting sekali.”

YUHANIS 13:20

Ngenian katauKu ini: Jemau diau nerimau jemau diau Kuajung, nerimau Aku. Mangku jemau diau nerimau Aku nerimau Allah diau ngajung Aku.”

YUHANIS 20:21

Yesus bekatau agi ngan ughangtu, “Salam damai batan endak kamu! Luak Bapak ngajung Aku, luak itula pulau Aku ngajung kamu.”

YUHANIS 5:23

mangku Anak diregaui gegalau jemau luak Bapak diregaui. Jemau diau nidau meregaui Anak itu, jemautu pulau nidau meregaui Bapak diau ngajung Ana'Au.

2 KURINTUS 5:20

Kamini diajung Keristus. Mangku amun kami ngiciak, itu luak Allah ngiciak ngan kamu. Atas namau Keristus kami mintak nian, terimaula kasia Allah diau mbuat kamu seilu'an ngan Diau.

GALATIA 4:14

Masau itu kamu nidau gheging ngan aku, empuak badanku luak itu mangku njadi cubauan batan endak kamu. Anyautu kamu nerimau aku luak nerimau malaikat Allah, luak nerimau Yesus Keristus itula.

1 TESALUNIKA 4:8

Karnau itu, jemau diau enggup nerimau ajaghan ini, ukanau enggup nerimau manusiau, tapitu enggup nerimau Allah diau ngenjuakka RuaHau diau beresia ngan kamu.

2 YUHANIS 1:9

Jemau diau nidau nuruti ajaghan Keristus ngan nyimpang jak di situ, jemau itu nidau idup seghundak ngan Allah. Jemau diau maju nuruti ajaghan Keristus, jemautu seghundak ngan Allah Bapak ngan Ana'Au pulau.