MATIUS 10:2 - PEJANJIAN EMPAI CERITAU ILUAK

² Inila namau duau belas rasul itu: Diau dulu sekali Simun diau dinamauka pulau Pitrus ngan Anderias ading Simuntu, mangku Yakubus anak Sebedius ngan adingau Yuhanis,

MATIUS 10:2 ပူးပေါင်းရင်းမြစ်များ

MATIUS 17:1

Enam aghi udim itu, Yesus mbata'i Pitrus, Yakubus ngan adingau Yuhanis ndaki gunung diau tinggi. Di situ ughangtu ajau.

MATIUS 20:20

Mangku mak Yakubus datang ngan duau ana'au njenguak Yesus, diau nunduak di adapanNyau, karnau adau setu diau endak dipintak.

MATIUS 26:37

Mangku Diau ngajak Pitrus ngan duau anak Sebedius pegi serempak ngan Diau. Mangku Diau mulai meghasau sedia ngan gelisa.

MATIUS 4:18

Yesus dang ngerayau di tepi danau Galilia, Diau nginak jemau duau beghading, diautu Simun diau dinamauka pulau Pitrus ngan adingau Anderias. Ughang duautu dang ngipaska jalaunyau di danau itu, karnau ughangtu tukang ndalak ikan.

MATIUS 4:21

Yesus la bejalan agi, mangku nginak jemau duau beghading lainau, diautu Yakubus ngan Yuhanis, anak Sebedius. Ughang duautu serempak ngan ba'au dang ngilu'i jalau dalam perawu, mangku dipantauNyau pulau ughang duautu.

MARKUS 1:29

Yesus ngan anak-buaHau keluagh jak di ghuma sembayang, mangku Diau pegi tandang ke ghuma Simun ngan Anderias. Yakubus ngan Yuhanis ngikut pulau.

MARKUS 13:3

Mangku Yesus duduak di Bukit Saitun ngadap Ghuma Allah. Pitrus, Yakubus, Yuhanis ngan Anderias betanyau ngan Diau sughang,

MARKUS 6:30

Mangku rasul-rasul diau diajung Yesustu la ngulang agi betunggal ngan Diau, diceritaukanyau gegalaunyau diau la dikerjaukanyau ngan diajaghka.

LUKAS 11:49

Luak ditulis dalam kitab Hikmat Allah, ‘Aku ka ngajung nabi-nabi ngan ajungan-ajunganKu njenguak ughangtu. Separau ka dibunua, separau ka diluatka ngan disiksau.’

LUKAS 22:14

La masaunyau endak makan jamuan Paska itu, Yesus duduak makan serempak ngan rasul-rasul.

LUKAS 22:8

Mangku Yesus ngajung Pitrus ngan Yuhanis, katauNyau, “Pegila, sediaukala jamuan Paska batan endak kitau.”

LUKAS 5:10

Luak itu pulau ngan kantinau Yakubus ngan Yuhanis, anak Sebedius. Yesus bekatau ngan Simun, “Nidau endak takut. Mulai mbak kini kaba njadi tukang ndalak jemau.”

LUKAS 9:10

Rasul-rasul itu baliak nceritauka ngan Yesus gegalaunyau diau dikerjauka ughangtu. Mangku Yesus ngajak ughangtu pegi serempak ngan Diau ngasing guak kuta Betsaida.

YUHANIS 12:22

Pilipus ngiciakkanyau ngan Anderias, mangku ughang duautu ngiciak ngan Yesus.

YUHANIS 13:23

Anak-bua diau disayangiNyau duduak di guak sebela kananAu.

YUHANIS 20:2

Diau belaghi njenguak Simun Pitrus ngan anak-bua diau disayangi Yesus, mangku ngiciak ngan ughang duautu, kataunyau, “Tuhan la diambiak jemau jak di kuburan, anyautu kami nidau keruan di manau bada Diau ditepiakka.”

YUHANIS 21:2

Di tepi danau itu adau Simun Pitrus, Tumas diau dikiciakka “Gembagh”, Natanail jemau Kana di Galilia, anak-anak Sebedius ngan duau anak-bua Yesus lainau.

YUHANIS 21:20

Satu Pitrus nulia, diau nginak di belakangau anak-bua diau disayangi Yesus. Diautu duduak pasigh Yesus masau makan sampai betanyau ngan Yesus, “Tuhan, sapau jemau diau ka njualka Dighi?”

YUHANIS 21:24

Anak-bua itula diau ngiciakka gegalau ceritau ini, diau pulau la nulisau. Kami keruan, tuapau diau dikiciakkanyautu benagh.

YUHANIS 6:67

Mangku Yesus betanyau ngan duau belas anak-buaHau, katauNyau, “Luak apau kamuni? Apu kamu endak pegi pulau ninggalka Aku?”

YUHANIS 6:70

Yesus nimbal, “Apu ukan Akuni diau milia kamu duau belas ughangni? Anyautu sughang jak di kamutu jemau ja'at.”

YUHANIS 6:71

Diau dikiciakka Yesustu Yudas, anak Simun Iskariut. Karnau empuak Yudas temasuak sughang jak di duau belas anak-buaHautu, diaula jemaunyau diau njualka Yesus.

YUHANIS 6:8

Mangku Anderias, ading Simun Pitrus, sughang jak di anak-buaHau, bekatau ngan Diau,

RASUL 1:13

La sampai di kuta, ughangtu nayiak ke bada ughangtu numpang temalam. Rasul itu Pitrus, Yuhanis, Yakubus, Anderias, Pilipus, Tumas, Bartulumius, Matius, Yakubus, anak Alpius, Simun jemau Silut ngan Yudas, anak Yakubus.

RASUL 1:26

La udim itu namau ughang duautu diundi. Diau dipilia Matias, mangku diau njadi rasul seghundak ngan sebelas rasul lain.

RASUL 12:2

Diau ngajung mbunua Yakubus, dang Yuhanis, pakai pedang.

RASUL 3:1

Adau sepetang Pitrus ngan Yuhanis pegi ke Ghuma Allah endak sembayang.

1 KURINTUS 15:7

La udim itu, Diau ngancakka diriAu ngan Yakubus mangku ngan gegalau rasul.

IPISUS 4:11

Mangku tuapau retiau, “Diau ngenjuakka pengenjuak ngan manusiau”? Adau diau dipilia njadi rasul, adau diau njadi nabi. Adau diau dipilia ngiciakka ceritau iluak. Adau diau dipilia mimpin jemau Keristen, adau pulau diau ngajagh jemau Keristen.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

1 PITRUS 1:1

Jak di aku, Pitrus, rasul Yesus Keristus, batan endak jemau diau dipilia dijadika umat Allah diau tesebar di rantauan di daira Puntus, Galatia, Kapadukia, Asia ngan Bitinia.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

2 YUHANIS 1:1

Aku, sughang tuau jemau Keristen, nulis surat ini ngan kamu diau dipilia Allah ngan anak-anak kamu diau kusayangi. Ukan cuman aku, tapitu gegalau jemau diau keruan Allah diau benagh nyayangi kamu pulau,

3 YUHANIS 1:1

Gayus diau kusayangi. Aku, sughang tuau jemau Keristen, nyayangi kaba nian.

PENGINA'AN 1:1

Inila ceritau diau dinyatauka Yesus Keristus nceritauka setu diau ka tejadi. Allah ngiciakkanyau ngan Keristus, mangku diancakkaNyau ngan budak-budak Allah setu diau mesti tejadi. Diautu ngajung malaikatAu endak nyataukanyau ngan Yuhanis, buda'Autu.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 18:20

Riangla kamu, ui sergau, ngan kamu, ui umat Allah ngan nabi-nabi ngan rasul-rasul! Allah la ngukum diau karnau kamu.

PENGINA'AN 22:8

Mangku akuni, Yuhanis, la ndengagh ngan nginak gegalaunyautu. La udim aku ndengagh ngan nginak, aku nunduak di adapan malaikat diau ngancakka gegalaunyautu endak nyemba diau.