Kumandan tentera ngan tenterahau diau dang njagaui Yesus nginak gempau ngan gegalau diau tejadi itu, mangku penakut nian ngan bekatau, “Nyela nian, Diauni Anak Allah.”
Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.
Kami adau di situ, masau Diau diregaui ngan diagungka Allah Bapak. Masau itu adau suarau jak di Allah diau Mahaagungtu ngiciakka, “Inila AnakKu diau Kusayangi diau melemakka atiKu.”
Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.
Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!