LUKAS 19:38 - PEJANJIAN EMPAI CERITAU ILUAK

³⁸ Katau ughangtu, “Tepujila Rajau diau datang dalam namau Tuhan. Damai di sergau. Tepujila Allah!”

LUKAS 19:38 ပူးပေါင်းရင်းမြစ်များ

MATIUS 2:2

La sampai di situ ughangtu betanyau, kataunyau, “Di manau Kupiak diau empai adau batan Rajau jemau Yahudi? Kami la nginak bintangAu di sebela matau-aghi idup, mangku kami datang endak nyemba Diau.”

MATIUS 21:9

Jemau banyak diau bejalan di adapan ngan di belakang Yesus tegauk-gauk, “Idup, Anak Daud! Tepujila diau datang atas namau Tuhan. Tepujila Allah diau Mahatinggi!”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 25:40

Mangku Rajau itu ka nimbal, ‘Keruanila, setu diau kamu ngerjauka ngan sala sughang kantinKu ini empuak diau inau sekali, kamu kerjauka batan endak Aku.’

LUKAS 13:35

Ngenian, itula sebapau Allah nidau agi guak kamu. Keruanila, mulai mbak kini kamu nidau ka nginak Aku agi, antak ka kamu bekatau, ‘Tepujila Jemau diau datang dalam namau Tuhan!’ ”

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

IPISUS 1:12

Mangku kami diau dulu sekali ngaghapka Keristustu ngagungka Allah karnau Diau agung.

IPISUS 1:6

Mangku Allah dipuji karnau keilu'anNyau diau agungtu diau dienjuakka ngan kitau karnau Ana'Au Yesus Keristus diau disayangiNyau.

IPISUS 3:10

Diau ngerjauka titu, supayau mbak kini jak di jemau Keristen gegalau pengulu ngan penguasau di awang-awang ka ngeruani gegalau pengertian Allah.

IPISUS 3:21

Allah mesti maju diagungka jemau Keristen karnau Yesus Keristus. Tepujila Allah enggut selelamaunyau. Nyela nian. Amin.

KULUSI 1:20

Mangku karnau Diau, Allah ndamaika ngan diriAu gegalaunyau diau adau di sergau ngan di deniau. Allah ngerjauka titu ngan carau Ana'Au mati di kayu salip.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.