KULUSI 2:19 - PEJANJIAN EMPAI CERITAU ILUAK

¹⁹ Diautu nidau agi bepaut ngan Keristus diau luak palak. Diau njagaui ngan nyatuka gegalau badan ngan ughat ngan sendi, mangku tumbua nurut kendak Allah.

KULUSI 2:19 ပူးပေါင်းရင်းမြစ်များ

LUKAS 5:38

Ayiak anggur diau empai mesti dimasuakka ke dalam kantung diau empai pulau.

YUHANIS 17:21

Bak, Aku mintak, supayau gegalau ughangtu njadi seghundak, luak Dighi seghundak ngan Aku, Aku seghundak ngan Dighi. Aku endak ughangtu seghundak ngan kitau, mangku deniau percayau, bansau Dighi ngajung Aku.

RASUL 4:32

Jemau percayau suati serupu'an galau. Nidau bediau sughang kia diau bekiciak, bansau setu diau adau di diautu retaunyau diau sughang, gegalaunyau sesamau ngempuau.

RUM 11:17

Separau cangka kayu saitun diau iluak diau diumpamauka jemau Yahudi la ditetak. Mangku cangka kayu diau karut dicangkuakka di guak teta'an tadi. Kamu diumpamauka cangka cangku'antu, mangku kamu idup jak di batang diau iluak.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

1 KURINTUS 11:3

Aku endak, supayau kamu ngeruani, bansau diau ngepala'i jemau lanang nyela Keristus, diau ngepala'i jemau tinau nyela lakiau, diau ngepala'i Keristus nyela Allah.

1 KURINTUS 3:6

Aku nanam, Apulus ngayi'inyau, anyautu Allah itu diau numbuakanyau.

IPISUS 1:22

Gegalaunyautu la ditunduakka ngan kuasau Keristus, mangku Diau dijadika kepalak gegalau jemau Keristen.

IPISUS 1:23

Ughangtu umpamau badan Keristus, la disempernauka Keristus diau nyempernauka gegalaunyau.

IPISUS 2:21

Diaula nyusun ghumatu njadi Ghuma Allah diau beresia batan endak Tuhan.

IPISUS 4:3

Usahakala nian idup bedamai, supayau kesatuan diau dienjuakka Rua Allah nidau beghuba.

IPISUS 5:29

Nidau kekela jemau meluatka diriau, anyautu diau nyayia ngan njagaui diriau semegi luak Keristus nyayangi jemau Keristen,

PILIPI 1:27

Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 1:18

Diautu kepalak jemau Keristen. Diautu anak tuau diau dulu sekali ngulang idup jak di mati, mangku pentingla Diau sangkan gegalaunyautu.

KULUSI 2:2

Aku ngerjauka titu, supayau ughangtu diteguaka ngan sangi sayangi, mangku ughangtu besatu. Ngan carau luak itu ughangtu ngerti nian ngan yakin ngan ngeruani resiau Allah, diautu Keristus.

1 TESALUNIKA 3:12

Kami bedu'a, supayau Tuhan mbuat kamuni tamba sangi sayangi ngan nyayangi gegalau jemau, mangku kamu nyayangi nian, semegi luak kami nyayangi kamu.

1 TESALUNIKA 4:10

Nyela, kamu la ngerjaukanyau ngan gegalau jemau diau percayau di Makedunia. Anyautu kami ngajung kamu, supayau tamba ngerjaukanyau nian.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

1 PITRUS 3:8

Mangku kamu mesti suijauan ngan semegi peghasauan. Sangi sayangila kamu luak jemau duau beghading, mangku sangi sialka kamu ngan jangan sangi gedu'i.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.