KULUSI 2:18 - PEJANJIAN EMPAI CERITAU ILUAK

¹⁸ Jangan enangka kamu dirugika jemau nerimau hak kamu. Jemautu cak ngensian, cak alim ngan nyemba malaikat. Jemautu geduak, karnau rupu'annyau rupu'an deniau. Diautu nganggap diriau lebia, karnau adau pengina'an.

KULUSI 2:18 ပူးပေါင်းရင်းမြစ်များ

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

RUM 1:25

Allah diau benagh ughangtu genti ngan allah tiruan, mangku diau disemba ughangtu setu diau dijadika Allah, ukan Allah diau njadikanyau. Allahtu mesti dipuji selelamaunyau. Amin.

RUM 16:18

karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

1 KURINTUS 13:4

Jemau diau nyayangi jemau lain ngaligh ngan atiau iluak. Diau nidau sengit, nidau langguak ngan nidau geduak.

1 KURINTUS 3:3

karnau kamu gi idup nurut serilau manusiau. Amun kamu gi sengit ngan belagau sughang ngan diau lain, apu titu ukan mbuktika, bansau kamu masia dikuasaui serilau manusiau, gi idup luak jemau deniauni?

1 KURINTUS 4:18

Adau bebeghapau jemau jak di kamu diau la geduak. Ughangtu sangkau, aku nidau agi ka datang guak kamu.

1 KURINTUS 4:6

Kantin-kantinku, katauku ini kukenauka ngan aku ngan Apulus njadi cuntau batan endak kamu, supayau kamu belajagh jak di kami tuapau reti kici'an ini: “Turutila peraturan diau adau.” Jangan adau di guak kamu jemau diau ninggika diau sughang ngan nginauka diau lain.

1 KURINTUS 8:1

Mbak kini aku endak ngiciakka ceritau makanan diau la disiwaukatu. Ngenian katau jemau, “Gegalau kitauni la pintar.” Anyautu kepintarantu mbuat jemau geduak, tapitu nyayangi jemau neguaka ati.

1 KURINTUS 9:24

Kamu la keruan, bansau tanding belaghi gegalau angguta ngikut belaghi, anyautu cuman sughang bulia adia. Karnau itu belaghila nian, mangku kamu bulia adiahautu.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

2 KURINTUS 12:20

Aku ghegak, amun aku datang nanti, aku ka nemuni kamu nidau luak diau kuaghapka, mangku kamu pulau ka nemuni aku nidau luak diau kamu aghapka. Aku ghegak, kalu adau diau belagau, sengit, ati besak, mentingka diriau, sangi gelakka, sangi buruakka, geduak, becelikaian.

IPISUS 4:17

Karnau itu demi namau Tuhan aku mintak nian, supayau kamu jangan agi idup luak jemau diau nidau keruan Allah ngan maju merupuakka setu diau nidau begati.

IPISUS 5:6

Jangan kamu tetipu ngan kici'an diau mbu'ung, karnau setu luak itu mbuat Allah mara ngan jemau diau nidau ta'at.

PILIPI 3:14

Mangku aku maju beusaha endak sampai ke tujuan endak bulia adia, diautu idup di sergau. Batan endak itula kitau dipilia Allah karnau Yesus Keristus.

KULUSI 2:23

Jemau diau mbuat peraturantu kina'an bepengertian karnau ngajung jemau sembayang nurut carau ughangtula ngan ngensianka ngan nganiayau diriau. Anyautu gegalaunyautu nidau begati, cuman muaska serilau manusiau.

KULUSI 2:4

Aku ngiciakka titu, supayau kamu jangan dicalu'i jemau diau pacak ngiciak.

KULUSI 2:8

Sepepadaula, jangan adau diau mikati kamu ngan rupu'an manusiau diau nidau begunau ngan nyesatka. Rupu'antu ukan jak di Keristus, tapitu jak di manusiau ngan rua deniau.

1 TIMUTIUS 1:7

Ughangtu endak ngajagh ukum Taurat, awuak ughangtu nidau ngerti kici'annyautu diau dikiciakka ngan yakin nian.

1 TIMUTIUS 4:1

Rua Allah ngiciakka nian, bansau nanti ka adau jemau diau ngelipat, nidau agi ngikut Yesus. Ughangtu ka ngikut rua ja'at diau nyesatka ngan ngikut ajaghan iblis.

2 PITRUS 2:14

Ughangtu dikuasaui serilau menaugawia, nidau kekela puas mbuat dusau. Ughangtu mikati jemau diau nidau tegua percayau. Ughangtu la tebasi selak. Ughangtu jemau meghakau!

1 YUHANIS 2:26

Aku nuliska titu ngan kamu ceritau jemau diau ncubau nyesatka kamu.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 19:10

Mangku aku nunduak nyemba diau, anyautu diau bekatau, “Jangan luak ini! Jangan nyemba aku! Aku pulau budak semegi ngan kaba ngan kantin-kantin kaba diau maju percayau ngan Yesus. Sembala Allah!” Karnau ceritau diau dikiciakka nabi ceritau benagh diau dinyatauka Yesustu.

PENGINA'AN 3:11

Aku gancang datang. Jagauila iluak-iluak setu diau adau di kaba, mangku nidau sughang kia ngambiak adia kaba menang.