KULUSI 1:19 - PEJANJIAN EMPAI CERITAU ILUAK

¹⁹ Gegalau sipat Allah adau galau di Diau.

KULUSI 1:19 ပူးပေါင်းရင်းမြစ်များ

LUKAS 10:21

Masau itu pulau Yesus injiak nianan, karnau dikuasaui Rua Allah sampai bekatau, “Bak, Aku ngagungka Dighi, Tuhan langit ngan deniau, karnau gegalaunyautu Dighi resiauka ngan jemau pintar ngan jemau beilmu. Anyautu Dighi nyataukanyau ngan jemau biasau. Itula diau melemakka ati Dighi.

YUHANIS 1:16

Keilu'anNyau la banyak tegalau. Kitau maju meghasaukanyau.

YUHANIS 3:34

Jemau diau diajung Allah, Diautu ngiciakka kici'an Allah, karnau Rua Allah dienjuakkaNyau galau ngan Diau.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

IPISUS 1:23

Ughangtu umpamau badan Keristus, la disempernauka Keristus diau nyempernauka gegalaunyau.

IPISUS 1:3

Tepujila Allah, Bapak Tuhan kitau Yesus Keristus! Diau la ngenjuakka ngan kitau gegalau keilu'an jak di sergau, karnau kitau seghundak ngan Keristus.

IPISUS 1:5

mangku Diau la netapka jak di senitu, supayau kitau dijadika ana'Au karnau Yesus Keristus, nyela titu kenda'Au.

IPISUS 4:10

Diau la tughun, mangku Diautu pulau la nayiak ke bada diau tinggi nianan jak di gegalau langit, mangku Diau adau di gegalaunyau.

KULUSI 2:3

Keristus itula kunci ngeruani gegalau keilu'an ngan pengertian Allah diau lum dikeruani.

KULUSI 2:9

Karnau gegalau sipat Allah adau galau di Keristus, masau Diau adau di deniau njadi manusiau.

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.