KULUSI 1:15 - PEJANJIAN EMPAI CERITAU ILUAK

¹⁵ Keristus itu gambaran diau nyatau jak di Allah diau nidau kina'an. Diau anak tuau, pentingla Diau sangkan gegalaunyau diau dijadika.

KULUSI 1:15 ပူးပေါင်းရင်းမြစ်များ

YUHANIS 1:1

Empai penembai adau Pirman. Pirmantu setunggal ngan Allah, mangku Pirmantu Allah.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

YUHANIS 14:9

Katau Yesus, “Ui, Pilipus, Aku la lamau ngan kamu, mangku kaba lum kila keruan Aku? Jemau diau nginak Aku la nginak Bapak. Ngapau kaba ngiciakka: Ancakka Bapaktu ngan kami?

YUHANIS 15:24

Misalau di guak ughangtu Aku nidau ngerjauka setu diau lum kekela dikerjauka jemau, ughangtu nidau besala. Mbak kini ughangtu la nginak gegalaunyau diau Kukerjauka, anyautu ughangtu meluatka Aku ngan BapakKu.

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

PILIPI 2:6

Diau semegi ngan Allah. Empuak luak itu, Diau nidau terupuak, bansau kedudu'anNyautu mesti dita'anka.

KULUSI 1:13

Diautu la ngilakka kitau jak di kuasau iblis mangku ngaliaka kitau dalam kuasau Ana'Au diau disayangi.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

1 TIMUTIUS 6:16

Diau sughang diau nidau pacak mati. Diau adau di terang diau besinagh nian diau nidau pacak dipasighi jemau. Sughang kia nidau kekela nginak Diau ngan nidau pacak ngina'Au. Diaula diregaui, kuasauNyau selelamaunyau! Amin.

IBRANI 1:3

Di Diautula tekinak keagungan Allah diau besinagh. Gegalau sipat Allah adau di Diau galau. Diautu pulau nyayia gegalaunyau ngan katauNyau diau bekuasau nian. Diautu dipakuka di kayu salip, mangku dusau manusiau pacak diabiska. Udim itu Diau duduak di sebela kanan Allah diau Mahakuasau di bada diau tinggi.

IBRANI 1:6

Masau Allah ngajung Ana'Au diau tuautu ke deniau, Diau bekatau, “Gegalau malaikat Allah mesti nyemba Diau.”

IBRANI 11:27

Karnau percayau, mangku Musa ninggalka Mesir, nidau takut dimarai rajau. Diau maju ajau luak nginak Allah diau nidau kina'antu.

PENGINA'AN 3:14

“Ngan malaikat jemau Keristen di Laudikia tuliskala luak ini: ‘Inila katau Aku, Akunila tetap ngan nyatauka setu diau benagh ngan pacak dipercayaui, mulaunyau gegalaunyau diau dijadika Allah.