IPISUS 6:11 - PEJANJIAN EMPAI CERITAU ILUAK

¹¹ Kenaukala gegalau pakaian diau dienjuakka Allah ngan kamu, mangku kamu pacak ta'an melawan tipuan iblis.

IPISUS 6:11 ပူးပေါင်းရင်းမြစ်များ

MARKUS 13:22

karnau ka adau cak penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

RUM 13:12

Malam laka lalu. Aghi laka siang. Karnau itu mela kitau mandakka kerjau ja'at diau dikerjauka di keleman. Kitau mesti ngenauka pakaian terang.

RUM 13:14

Enangka Tuhan Yesus Keristus njagaui kamu. Jangan nuruti serilau manusiau diau bedusau, jangan muaskanyau.

1 KURINTUS 10:13

Amun kamu dicubaui, ingatkala, bansau jemau lain pulau meghasaukanyau luak itu. Allah nepati janjiau. Diau nidau ngenangka kamu dicubaui lebia jak di kekuatan kamu. Masau kamu dicubaui, masau itu pulau Diau ngenjuakka jalan keluagh ngan kamu ngan neguaka kamu mangku pacak ta'an.

2 KURINTUS 10:4

Pakaian diau kami gunauka dalam peperangan ini ukanau pakaian deniauni, tapitu pakaian diau adau kuasau Allah, mangku binting dirubuaka. Bebalahan kami tangkis.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

2 KURINTUS 2:11

Mangku Iblis jangan adau jalan nguasaui kitau, karnau kitau la keruan rencanaunyau.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

IPISUS 4:24

Kamu mesti njadi manusiau empai diau dijadika nurut gambaran Allah mangku idup ngan carau diau benagh ngan beresia.

IPISUS 6:13

Karnau itu kenaukala gegalau pakaian jak di Allah, mangku masau diau ja'at kamu pacak melawan serangan musua. Mangku amun kamu la bejuang enggut pengabisan, kamu nidau mundur.

KULUSI 3:10

Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

1 TESALUNIKA 5:8

Anyautu kitau ini anak terang. Karnau itu rupu'an kitau mesti terang. Kitau mesti maju percayau ngan Tuhan ngan nyayangi jemau, lagi ngaghapka Allah nyelamatka kitau. Itula pakaian diau njagaui kitau.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

YAKUBUS 4:7

Karnau itu tunduakla ngan Allah ngan lawanla Iblis, mangku diau ka larat jak di guak kamu.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.

PENGINA'AN 2:24

Anyautu kamu diau lain diau adau di Tiatira nidau ngikut ajaghan itu ngan nidau melajaghi ajaghan diau dikiciakka Ilmu Iblis. Ngan kamutu Aku bekatau, Aku nidau endak nambai beban kamu.