IPISUS 5:2 - PEJANJIAN EMPAI CERITAU ILUAK

² Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

IPISUS 5:2 ပူးပေါင်းရင်းမြစ်များ

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

YUHANIS 13:34

Aku ngiciakka perinta empai ngan kamu: Kamu sangi sayangila sughang ngan diau lain. Aku la nyayangi kamu. Luak itula pulau kamu mesti sangi sayangi.

YUHANIS 6:51

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

RUM 15:16

Diautu ngajung aku bekerjau batan endak Yesus Keristus. Diau njadika aku imam batan endak ngiciakka ceritau iluak jak di Allah ngan jemau bangsau lain, supayau ughangtu nyeraka diriau ngan Allah endak idup melemakka ati Allah ngan diberesiaka Rua Allah.

RUM 4:25

Yesustu diseraka ngan dibunua karnau dusau kitau, mangku Diau diidupka agi, supayau kitau pacak ngulang seilu'an ngan Allah.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

RUM 8:37

Dalam gegalaunyautu kitau pacak menang nian, karnau Diau nyayangi kitau.

1 KURINTUS 16:14

Gegalaunyau diau kamu kerjauka, kerjaukala ngan sayang.

1 KURINTUS 5:7

Capakkala kudai ghagi lamau itu, diautu ghagi dusau, mangku kamu njadi luak lejuan ghebuak empai, banci jak di ghagi dusau diau lamau. Karnau aghi rerayau Paska kitau la pasigh. Keristus diau njadi bebiri Paska kitau la dikerbanka.

2 KURINTUS 2:14

Aku beterimau-kasia ngan Allah! Diau maju mbatak kami di jalan menang serempak ngan Keristus. Diau makai kami, supayau ceritau Keristus tesebar ke manau-manau luak embau ghum.

2 KURINTUS 2:15

Karnau kami luak embau ghum diau asalau jak di Keristus batan endak Allah di guak jemau diau diselamatka ngan diau benasau.

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

GALATIA 1:4

Keristus na'ati kendak Allah Bapak kitau, mangku Diau nyeraka nyawauNyau batan endak dusau-dusau kitau, supayau kitau diselamatka jak di deniau diau ja'at ini.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

IPISUS 1:4

Antak ka deniauni dijadika, Allah la milia kitau, supayau kitau beresia ngan nidau becacat di adapanNyau. Karnau Diau nyayangi kitau,

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

IPISUS 3:19

Mangku kamu meghasauka sayang itu, empuak nidau pacak dikeruani rupu'an manusiau. Mangku kamu dibimbingAu idup menau carau Allah,

IPISUS 4:15

Anyautu kitau mesti nyatauka setu diau benagh ngan maju sangi sayangi. Mangku gegalau kitau tamba lamau tamba sempernau luak Keristus diau ngepala'i kitau.

IPISUS 4:2

Kamu mesti maju ngensian, iluak, ngaligh, sangi sayangi ngan sangi terimau.

IPISUS 5:15

Karnau itu kina'ila iluak-iluak carau idup kamu. Jangan idup luak jemau bigal. Idupla luak jemau diau bepengertian.

IPISUS 5:25

Laki mesti nyayangi biniau, luak Keristus nyayangi jemau Keristen ngan nyeraka diriAu batan endak ughangtu.

PILIPI 4:18

Mbak kini aku la nerimau gegalaunyau, la lebia jak di cukup. Gegalau pengenjuak kamu la kuterimau jak di Epapruditus. Gegalaunyau diau kuendak la adau galau. Pengenjuak kamutu luak kerban diau bembau ghum diau dikerbanka ngan Allah ngan diterimau ngan riang.

KULUSI 3:14

Mangku diau penting sekali, kamu mesti sangi sayangi, karnau ngan sayang kamu disatuka nian.

1 TESALUNIKA 4:9

Nidau nanti kami nulis agi ngan kamu ceritau nyayangi kantin seagamau. Kamuni la diajaghi Allah sangi sayangi.

1 TIMUTIUS 2:6

Diau la nyeraka diriAu endak mbibaska gegalau jemau jak di dusau. Luak itu Allah mbuktika masau diau tepat, bansau Diau endak, supayau gegalau jemau diselamatka.

1 TIMUTIUS 4:12

Jangan sughang kia nidau meregaui kaba, karnau kaba gi mudau. Anyautu jadila penauan batan endak jemau percayau ngan kici'an kaba, perembak kaba, sayang kaba, percayau kaba, ngan keberesian idup kaba.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 8:3

Bilang imam besak kerjaunyau ngenjuakka ngan Allah enju'an ngan kerban. Luak itu pulau Imam Besak kitau, Diautu mesti adau setu diau endak dikerbanka.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

IBRANI 9:23

Gegalaunyautu nggambarka setu diau adau di sergau, mangku mesti diberesiaka ngan carau luak itu tadi. Anyautu setu diau adau di sergau ngan kerban diau lebia iluak jak di itu.

IBRANI 9:26

Misalau Keristus semegi ngan imam besak tadi, bereti jak deniau dijadika Diau mesti rajin sengsarau. Anyautu tenyatau mbak kini masau pengabisan ini Diau datang sekali ajau endak ngabiska dusau ngan carau ngerbanka diriAu.

1 PITRUS 4:8

Diau penting sekali, kamu mesti sangi sayangi nian, karnau amun kamu sangi sayangi, kamu sukau pulau sangi ma'apka.

1 YUHANIS 3:16

Kitau keruan sayang Allah ngan jalan ini: Keristus nyeraka nyawaunyau batan endak kitau. Mangku kitauni mesti pulau nyeraka nyawau kitau batan endak kantin-kantin kitau.

1 YUHANIS 3:23

Ini diau diperintaka Allah: Kitau mesti percayau ngan Ana'Au Yesus Keristus. Kitau pulau mesti sangi sayangi, luak la diajung Keristus.

PENGINA'AN 1:5

ngan jak di Yesus Keristus diau nyatauka setu diau pacak dipercayaui. Diautu dulu sekali ngulang idup jak di mati mangku nguasaui rajau-rajau di deniauni. Diautu nyayangi kitau ngan mbibaska kitau jak di dusau karnau daghaHau,

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.