IPISUS 5:15 - PEJANJIAN EMPAI CERITAU ILUAK

¹⁵ Karnau itu kina'ila iluak-iluak carau idup kamu. Jangan idup luak jemau bigal. Idupla luak jemau diau bepengertian.

IPISUS 5:15 ပူးပေါင်းရင်းမြစ်များ

MATIUS 10:16

“Dengaghkala, Aku ngajung kamu luak bebiri pegi di pugan setuau. Karnau itu kamu mesti cerdiak luak ulagh ngan tulus luak burung darau.

MATIUS 25:2

Limau ughang jak di ughangtu bigal, limau ughang agi calak.

MATIUS 27:24

Mangku Pilatus nyadari, bansau diau nidau pacak agi mbuat tuapau-apau, lagi jemau banyaktu la mulai kacau. Diau ngambiak ayiak, mbasua tanganau di mukau jemau banyak ngan bekatau, “Aku nidau betanggung-jawab ngan kematian Jemau ini. Itu urusan kamu!”

MATIUS 27:4

Diau bekatau, “Aku la bedusau, karnau njualka jemau diau nidau besala, mangku Diau diukum mati.” Ughangtu nimbal, “Ukan urusan kami. Itu urusan kaba.”

MATIUS 8:4

Mangku Yesus bekatau ngan diau, “Ingatkala, jangan kaba kiciakka ngan sughang kia ceritau ini. Anyautu pegila njenguak imam, mintak diau merisau kaba. Udim itu enjuakkala kerban diau diajung Musa njadi buktiau ngan jemau, bansau kaba la ghadu.”

LUKAS 24:25

Mangku Yesus bekatau, “Ui, kamuni bigal. Kamuni lambat nian percayau gegalaunyau diau dikiciakka nabi-nabi.

1 KURINTUS 14:20

Jangan kamu berupuak luak rupu'an budak keciak. Amun ngan keja'atan nengkela kamu luak budak keciak, tapitu rupu'an kamu mesti njadi luak rupu'an jemau besak.

GALATIA 3:1

Ui jemau Galatia, kamu bigal nian! Kamu tepengarua ngan sapau? Keristus diau la mati di kayu saliptu la kamu keruan nian.

GALATIA 3:3

Ngapau kamu bigal nian? Kamu la mulai idup empai ngan Rua Allah. Baghia mbak kini kamu endak maju idup enggut udim ngan usaha kamu sendighi?

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

IPISUS 5:33

Luak manau kila gegalaunyautu ngenaui kamu pulau. Sayangila bini kamu luak diri kamu, mangku bini mesti meregaui lakiau.

PILIPI 1:27

Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

KULUSI 1:9

Itula sebapau jak ndengagh ceritau kamu, kami maju ndu'aka kamu. Kami mintak ngan Allah, supayau kamu dienjuakka pengertian endak ngeruani kendak Allah nian.

KULUSI 4:5

Carau kamu bekundang ngan jemau diau nidau percayau, kamu mesti bepengertian nian, mangku gunaukala masau diau adau iluak-iluak batan endak Tuhan.

1 TESALUNIKA 5:15

Jangan enangka jemau mbalas keja'atan ngan ja'at. Anyautu beusahala maju bebuat iluak sughang ngan diau lain ngan gegalau jemau.

1 TIMUTIUS 6:9

Anyautu jemau diau endak kayau teguda ngan mecam-mecam serilau diau bigal ngan merusak. Serilau itu mbuat jemau celakau ngan benasau

IBRANI 12:25

Karnau itu, sepepadaula, jangan adau diau enggup ndengagh diau ngiciaktu. Jemau diau enggup ndengaghka jemau diau ngiciakka katau Allah di deniauni nidau pacak melaghika diriau jak di ukuman. Apau agi kitau diau ndengaghka diau ngiciak jak di sergau. Amun kitau enggup ndengaghkaNyau, manau ka adau kitau nidau diukum.

YAKUBUS 3:13

Amun adau jak di kamu diau bepengertian nian, diau mesti nyataukanyau ngan idup iluak ngan kerjau diau iluak diau dikerjauka ngan pengertian ngan nidau geduak.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

PENGINA'AN 19:10

Mangku aku nunduak nyemba diau, anyautu diau bekatau, “Jangan luak ini! Jangan nyemba aku! Aku pulau budak semegi ngan kaba ngan kantin-kantin kaba diau maju percayau ngan Yesus. Sembala Allah!” Karnau ceritau diau dikiciakka nabi ceritau benagh diau dinyatauka Yesustu.