IPISUS 4:18 - PEJANJIAN EMPAI CERITAU ILUAK

¹⁸ Rupu'an ughangtu la nyimpang. Ughangtu nidau meghasauka idup diau dienjuakka Allah, karnau ughangtu bigal ngan melawan.

IPISUS 4:18 ပူးပေါင်းရင်းမြစ်များ

MATIUS 13:15

Karnau rupu'an ughangtu tekatup, telingau ughangtu la nuli, ngan matau ughangtu dipejamka. Mangku ughangtu jangan nginak, telingau ughangtu jangan ndengagh, ngan rupu'an ughangtu jangan tebukak, ngan jangan ngulang njenguak Aku, mangku Aku jangan meghaduka ughangtu.’

MARKUS 3:5

Yesus bingung karnau ughangtu nidau endak nimbal. Mangku ngan mara Diau ngina'i gegalau ughangtu ngan ngiciak ngan jemau tadi, katauNyau, “Surungkala tangan kaba!” Jemau itu nyurungkanyau, mangku tanganau ghadu.

YUHANIS 12:40

‘Aku la mbutauka matau ughangtu ngan mbuat ughangtu keghas ati, supayau matau ughangtu jangan nginak ngan rupu'an ughangtu jangan terti, mangku ughangtu jangan ngulang njenguak Aku, mangku Aku jangan meghadui ughangtu.’ ”

RASUL 17:30

Masau kitau nidau keruan nidau diingatka Allah agi. Mbak kini Allah ngajung gegalau jemau di deniau ngubai jak di peremba'au diau ja'attu.

RASUL 3:17

Na, kapu dighi, aku keruan, kapu dighi ngan tuau-tuau kitau ngerjauka titu, karnau nidau terti tuapau diau dikerjaukatu.

RUM 1:28

Manusiau enggup ngeruani Allah, mangku Allah ngenangka rupu'an ughangtu njadi rusak, mangku ughangtu ngerjauka setu diau nidau pantas.

RUM 11:25

Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

RUM 11:7

Rupaunyau jemau Israil nidau dapat setu diau didalak, anyautu jemau diau ndapatau jemau diau dipilia Allah. Diau lain nuli, mangku nidau pacak ndengagh suarau Allah.

RUM 2:19

Kamu percayau, kamu mapa jemau butau ngan nunjuakka terang batan endak jemau diau mendam di keleman.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

1 KURINTUS 2:8

Nidau sughang kia jak di penguasau mbak kini diau keruan pengertian itu, karnau amun ughangtu la ngeruaninyau, cengki ughangtu nidau makuka Tuhan diau agungtu di kayu salip.

2 KURINTUS 3:14

Anyautu rupu'an ughangtu tetutup. Enggut mbak kini rupu'an ughangtu masia tetutup, amun ughangtu mbacau kitab janji diau lamau itu. Rupu'an ughangtu cuman pacak tebukak, amun seghundak ngan Keristus.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

GALATIA 4:8

Senitu, masau kamu lum keruan Allah, kamu dikuasaui rua-rua diau ukan jak di Allah.

IPISUS 2:1

Senitu kamu luak mati, karnau kamu bedusau ngan melanggar perinta Allah.

IPISUS 2:12

Masau itu kamu lum seghundak ngan Keristus, kamu jemau asing diau nidau temasuak umat Allah. Kamu nidau temasuak jemau diau bulia bagian diau dijanjika Allah ngan umatAu. Kamu idup di deniauni nidau bediau aghapan ngan nidau keruan Allah.

KULUSI 1:21

Senitu kamu jawua jak di Allah. Kamu melawan Diau, karnau perembak ngan rupu'an kamu ja'at.

1 TESALUNIKA 4:5

Jangan ngikut serilau ajau, luak diau dikerjauka jemau diau nidau keruan Allah.

IBRANI 5:2

Imamtu adau pulau banyak kekilapan, mangku diau ngerti jemau diau nidau keruan ngan sesat.

IBRANI 9:7

Diau masuak ke bada diau dalam sekali di kimatu Imam Besak, cuman sekali ajau setaun. Titu dikerjaukanyau ngan mbatak dagha diau dienjuakka ngan Allah batan endak diriau ngan umatau endak ngabiska dusau diau nidau disajauka.

YAKUBUS 4:4

Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.

1 PITRUS 1:14

Kamu la ta'at ngan Allah, mangku jangan nuruti serilau kamu senitu, luak masau kamu lum keruan Allah.

1 YUHANIS 2:11

Anyautu jemau diau meluatka jemau lain, jemautu adau dalam keleman. Diau bejalan di keleman, nidau keruan ke manau diau pegi, karnau kelemantu mbuat nidau pacak nginak.