IPISUS 3:9 - PEJANJIAN EMPAI CERITAU ILUAK

⁹ Diau pulau nugaska aku ngiciakka ngan gegalau jemau, luak manau Allah diau njadika gegalau deniauni ngerjauka rencanauNyau diau diresiauka senitu.

IPISUS 3:9 ပူးပေါင်းရင်းမြစ်များ

MATIUS 10:27

Setu diau Kukiciakka aghi malam, kiciakkala aghi siang. Setu diau dibisiakka ngan kamu, kiciakkala jak di berendau.

MATIUS 13:35

Mangku ditepati kici'an nabi ini, “Aku pakai cuntau ceritau, amun ngiciak ngan ughangtu. Aku ka ngiciakka setu diau nidau dikeruani jak deniau adau.”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 28:19

Karnau itu, pegila ke gegalau bangsau di deniau, jadikala ughangtu anak-buaKu, baptiskala ughangtu ngan namau Bapak, Anak ngan Rua Allah,

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

YUHANIS 10:30

Aku ngan Bapak gi sughang.”

YUHANIS 5:17

Yesus ngiciak ngan ughangtu, katauNyau, “BapakKu maju nulung jemau enggut mbak kini, mangku Aku pulau nulungi jemau.”

YUHANIS 5:19

Mangku Yesus ngiciak agi ngan ughangtu, katauNyau, “Nyela nian kici'anKu ini: Anak nidau pacak ngerjauka tuapau-apau ngan kenda'Au sendighi. Diau ngerjauka ajau setu diau dikina'Au diau dikerjauka Bapak, karnau setu diau dikerjauka Bapak, itula pulau dikerjauka Ana'Au.

RASUL 15:18

Jak di senitu titu la dikiciakka.

RUM 11:25

Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

1 KURINTUS 2:7

Pengertian diau kukiciakkatu pengertian jak di Allah. Pengertiantu nidau dikeruani deniau. Allah la nyediaukanyau batan endak keriangan kitau, antak ka deniau dijadikaNyau.

IPISUS 1:4

Antak ka deniauni dijadika, Allah la milia kitau, supayau kitau beresia ngan nidau becacat di adapanNyau. Karnau Diau nyayangi kitau,

IPISUS 3:2

Cengki kamu la ndengagh, bansau Allah la nugaska aku bekerjau batan endak kamu karnau keilu'an atiAu.

IPISUS 6:19

Du'akala pulau aku, supayau amun aku ngiciak, Allah ngenjuakka aku katau diau tepat, mangku aku ngiciakka resiau ceritau iluak ngan beghani.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

KULUSI 1:26

Ceritautu diresiauka Allah buabad-abad, mbak kini la dinyatauka ngan umatAu.

KULUSI 3:3

Karnau kamu la mati, mangku idup kamu tebuni ngan Keristus di Allah.

KULUSI 4:3

Du'akala pulau kami, supayau kami pacak ngiciakka ceritau resiau Keristus. Ikak aku ngerjauka titu, aku dijilka.

2 TESALUNIKA 2:13

Kantin-kantinku diau disayangi Tuhan. Kami sepantasau beterimau-kasia ngan Allah karnau kamu, karnau jak di penembai Allah milia kamu batan endak diselamatka karnau kerjau Rua Allah diau njadika kamu umatAu diau beresia, lagi pulau karnau kamu percayau ceritau diau benagh jak di Allah.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

2 TIMUTIUS 4:17

Anyautu Tuhan la nulung ngan neguaka aku, mangku aku pacak ngiciakka gegalau ceritau iluak itu, mangku didengagh gegalau jemau diau ukan jemau Yahudi. Mangku aku luput jak di ukuman mati.

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

1 PITRUS 1:20

Keristustu la dipilia antak ka deniau dijadika. Mangku masau pengabisan ini Diau datang ke deniau batan endak kamu.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 14:6

Mangku aku nginak sughang malaikat lain terbang tinggi di langit. Di diau adau ceritau iluak diau selelamaunyau batan endak dikiciakka ngan jemau diau adau di deniau, gegalau bangsau ngan jungku ngan basau ngan pemili.

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.

PENGINA'AN 4:11

“Ui Tuhan, Allah kami! Dighi ajau diau pantas dipuji ngan diregaui ngan bekuasau, karnau Dighi la njadika gegalaunyau. Karnau kendak Dighila gegalaunyau adau mangku idup.”