IPISUS 3:17 - PEJANJIAN EMPAI CERITAU ILUAK

¹⁷ Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

IPISUS 3:17 ပူးပေါင်းရင်းမြစ်များ

MATIUS 13:6

Anyautu aghi panas diau layu mangku njadi keghing, karnau akaghau nidau masuak.

LUKAS 6:48

Jemau itu diumpamauka ngan jemau diau negakka ghuma. Jemautu nggali dedalam, masuakka batu batan pelapiak. Amun ghuma itu ditempur ayiak rawang, nidau ka rubua karnau tegua.

YUHANIS 14:17

Diau itu Rua Allah diau ka nyatauka, sapau Allah sebenaghau. Deniau nidau pacak nerimau Diau, karnau deniau nidau nginak Diau ngan ngeruani Diau. Anyautu kamuni ngeruani Diau, karnau Diau di guak kamu ngan mendam dalam kamu.

YUHANIS 14:23

Katau Yesus, “Amun jemau nyayangi Aku, diau ka nuruti kici'anKu. BapakKu ka nyayangi diau, mangku Kami ka njenguak diau ngan mendam ngan diau.

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.

YUHANIS 6:56

Jemau diau makan dagingKu ngan minum daghaKu, diautu seghundak ngan Aku, Aku ngan diau.

RUM 5:5

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

1 KURINTUS 3:6

Aku nanam, Apulus ngayi'inyau, anyautu Allah itu diau numbuakanyau.

1 KURINTUS 8:1

Mbak kini aku endak ngiciakka ceritau makanan diau la disiwaukatu. Ngenian katau jemau, “Gegalau kitauni la pintar.” Anyautu kepintarantu mbuat jemau geduak, tapitu nyayangi jemau neguaka ati.

2 KURINTUS 13:5

Cubau uji diri kamu, apu kamu ngenian idup percayau ngan Keristus. Cengki kamu ka ngeruani, bansau Yesus Keristus adau di ati kamu, lain amun kamu nidau percayau nian.

2 KURINTUS 6:16

Tuapau ubungannyau Ghuma Allah ngan keramat? Kitau ini Ghuma Allah diau idup. Allahtu bekatau, “Aku ka mendam di guak ughangtu, Aku endak idup seghundak ngan ughangtu. Aku ka njadi Allah ughangtu, mangku ughangtu ka njadi umatKu.”

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

KULUSI 2:7

ngan buakagh dalam Diau, mangku tamba bepaut ngan Diau ngan tamba tegua percayau nurut setu diau la diajaghka ngan kamu. Mangku ati kamu mesti banyak beterimau-kasia.

1 YUHANIS 4:16

Mangku kitau keruan ngan percayau Allah nyayangi kitau. Allah itu nyayangi. Jemau diau maju nyayangi maju seghundak ngan Allah, Allah seghundak ngan diau.

1 YUHANIS 4:4

Ui anak-buaku, kamuni asal jak di Allah, mangku kamu la ngalaka nabi tiruantu, karnau bekuasaula rua diau adau di kamu sangkan rua diau adau di deniauni.

PENGINA'AN 3:20

Kina'ila, Aku betegak di mukau duaghau ngan nggagur. Amun adau jemau ndengagh suarauKu ngan mbukakka duaghau, Aku ka masuak betemu ngan diau. Mangku Aku makan ngan diau, diau ngan Aku.