IPISUS 2:3 - PEJANJIAN EMPAI CERITAU ILUAK

³ Sebenaghau senitu gegalau kitau semegi ngan ughangtu. Kitau nuruti serilau manusiau ngan ngerjauka sekendak badan ngan rupu'an kitau diau ja'at. Masau itu kitau jemau diau kenau mara Allah semegi ngan jemau laintu.

IPISUS 2:3 ပူးပေါင်းရင်းမြစ်များ

MARKUS 4:19

anyautu diau ghegak, kalu nidau dapat pengidupan, tetipu endak idup kayau ngan beribu peku serilau diau adau dalam ati jemau itu. Gegalaunyautu ngincitka ceritau Allah tadi, mangku nidau buasil.

YUHANIS 1:13

Ughangtu njadi anak Allah ukan ngan carau manusiau, ukan pulau karnau dikenda'i sughang jemau lanang, anyautu idup itu asalau jak di Allah.

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

RASUL 14:16

Timpau dulu Allah ngenangka gegalau bangsau idup nurut kenda'au ajau.

RUM 1:24

Itula sebapau Allah ngenangka ughangtu dikuasaui serilau atiau endak ngerjauka setu diau nidau senangaian, mangku sangi kerjauka setu diau ja'at.

RUM 11:30

Senitu kamu nidau ta'at ngan Allah, mbak kini la dibenaghka Allah, karnau ughangtu nidau ta'at.

RUM 13:14

Enangka Tuhan Yesus Keristus njagaui kamu. Jangan nuruti serilau manusiau diau bedusau, jangan muaskanyau.

RUM 2:14

Jemau bangsau lain nidau keruan ukum Taurat, mangku amun ughangtu ngerjaukanyau karnau kenda'an atiau, ughangtu nyatauka, bansau atiau keruan setu diau mesti dikerjauka, empuak nidau keruan ukum Taurat.

RUM 5:10

Masau kitau gi bemusuan ngan Allah, kitau la didamaika karnau Ana'Au mati batan endak kitau, apau agi mbak kini kitau diau la seilu'an ngan Allah, cengki kitau ka diselamatka karnau Keristus idup.

RUM 5:9

Apau agi mbak kini, kitau la seilu'an ngan Allah karnau Keristus mati, mangku kitau cengki ka diselamatka jak di ukuman Allah karnau Diau.

RUM 6:12

Karnau itu jangan agi endak idup kamu di deniauni dikuasaui dusau, supayau jangan agi nuruti serilau diau ja'at.

RUM 7:18

Aku keruan, nidau bediau setu diau iluak dalam atiku, karnau aku manusiau ajau. Nyela, aku endak ngerjauka setu diau iluak, anyautu nidau pacak ngerjaukanyau.

RUM 9:22

Luak itu pulau Allah endak nunjuakka maraHau ngan nyatauka kuasauNyau. Anyautu Diau ngaligh nian ngan jemau diau mesti diukum ikak mbuat Diau mara.

1 KURINTUS 4:7

Sapau njadika kamu lebia jak di jemau lain? Apu ukan gegalaunyau diau adau di kamu kamu terimau? Ngapau kamu geduak, luak setu diau adau di kamutu ukan jak di Allah?

2 KURINTUS 7:1

Kantin-kantinku diau kusayangi. Gegalau janji itu batan endak kitau. Karnau itu mela kitau mberesiaka diri kitau jak di gegalaunyau diau ngumuhi ati ngan rua kitau. Kitau mesti takut ngan Allah, mangku kitau pacak idup beresia batan endak Allah.

GALATIA 3:22

Anyautu di Injil la ditulis, bansau gegalau manusiau la dikuasaui dusau, mangku setu diau dijanjika Allah dienjuakka ngan jemau diau percayau ngan Keristus, karnau janjitu cuman dienjuakka ngan jemau amun percayau.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

IPISUS 4:22

Karnau itu capakkala manusiau lamau ngan carau idup senitu diau dirusakka serilau diau sesattu.

KULUSI 1:21

Senitu kamu jawua jak di Allah. Kamu melawan Diau, karnau perembak ngan rupu'an kamu ja'at.

1 TESALUNIKA 4:13

Mangku, kantin-kantinku, kami endak, supayau kamu ngeruani diau sebenaghau ceritau jemau diau la mati, mangku kamu nidau bingung luak jemau diau nidau bediau aghapan.

1 TESALUNIKA 5:6

Itula sebapau kitau nidau bulia tiduak-tiduak ajau luak jemau lain. Kitau mesti sepepadau ngan maju siagau.

1 TIMUTIUS 6:9

Anyautu jemau diau endak kayau teguda ngan mecam-mecam serilau diau bigal ngan merusak. Serilau itu mbuat jemau celakau ngan benasau

TITUS 3:3

Karnau senitu kitau pulau idup bigal, nidau ta'at, sesat. Kitau dibudakka bemecam serilau ngan kendak. Idup kitau ja'at, sengit, sangi luatka.

1 PITRUS 1:14

Kamu la ta'at ngan Allah, mangku jangan nuruti serilau kamu senitu, luak masau kamu lum keruan Allah.

2 PITRUS 2:14

Ughangtu dikuasaui serilau menaugawia, nidau kekela puas mbuat dusau. Ughangtu mikati jemau diau nidau tegua percayau. Ughangtu la tebasi selak. Ughangtu jemau meghakau!

2 PITRUS 2:18

Ughangtu muji diriau ngan kici'an bigal. Ngan serilau diau nidau senangaian ughangtu mikati jemau diau empai bibas jak di guak jemau diau idupau sesat.

1 YUHANIS 2:16

Karnau gegalaunyau diau adau di deniauni, kendak ati kendak matau, gegalaunyautu asalau jak di deniau, ukan jak di Allah Bapak.

1 YUHANIS 2:8

Anyautu perinta diau empai kutulis pulau ngan kamu, diau la dinyatauka benagh ngan Keristus ngan kamu pulau, karnau keleman laka lengit ngan terang diau benagh mulai besinagh.