IPISUS 2:15 - PEJANJIAN EMPAI CERITAU ILUAK

¹⁵ Mangku ukum Taurat ngan gegalau perintahau diabiska Keristus, mangku duau bangsau itu njadi manusiau empai karnau seghundak ngan Keristus. Ngan carau luak itu Diau ndamaika ughangtu.

IPISUS 2:15 ပူးပေါင်းရင်းမြစ်များ

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

GALATIA 3:10

Jemau diau bepaut ngan ukum Taurat idup ngan dawaian. Karnau di Injil ditulis, “Jemau diau nidau nuruti gegalaunyau diau ditulis dalam kitab Taurat didawaika Allah.”

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

GALATIA 6:15

Apu disunat apu nidau besunat nidau penting. Diau penting itu njadi manusiau empai.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 2:14

Keristus ndamaika kitau. Jemau Yahudi ngan jemau ukan Yahudi dijadikaNyau sebangsau. Bemusuan ughangtu diau luak dinding nceghai la diabiskaNyau, karnau Diau la mati di kayu salip.

IPISUS 2:16

Karnau Diau mati di kayu salip, bemusuan ughangtu diabiskaNyau, mangku ughangtu seghundak, mangku njadi seilu'an ngan Allah.

IPISUS 4:16

Diautu mimpin kitau galau, mangku gegalau badan tesusun iluak ngan sendi-sendi tesusun pulau. Mangku amun bilang anggutatu bekerjau ngan semestiau, gegalau badantu ka tumbua ngan diteguaka njadi wagat karnau sangi sayangi.

KULUSI 2:14

Diau la mbatalka surat utang diau ngancam kitau ngan carau diau beghat. Surattu la dipakukaNyau di kayu salip, mangku gegalau buru'an la diabiska.

KULUSI 2:20

Kamu la mati seghundak ngan Keristus, la bibas jak di kuasau rua deniauni. Ngapau kamu gi idup luak jemau diau dikuasaui deniau? Ngapau kamu tunduak ngan peraturan luak ini:

KULUSI 3:10

Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.

IBRANI 7:16

Diautu dijadika imam ukan karnau peraturan manusiau, tapitu karnau kuasauNyau ngan idupAu diau nidau ka abis.

IBRANI 8:13

Allah la ngiciakka janji diau empai, mangku janji diau dulu njadi tuau ngan nidau begunau agi. Mangku setu diau la tuau ka gasip lengit.

IBRANI 9:23

Gegalaunyautu nggambarka setu diau adau di sergau, mangku mesti diberesiaka ngan carau luak itu tadi. Anyautu setu diau adau di sergau ngan kerban diau lebia iluak jak di itu.