IPISUS 2:14 - PEJANJIAN EMPAI CERITAU ILUAK

¹⁴ Keristus ndamaika kitau. Jemau Yahudi ngan jemau ukan Yahudi dijadikaNyau sebangsau. Bemusuan ughangtu diau luak dinding nceghai la diabiskaNyau, karnau Diau la mati di kayu salip.

IPISUS 2:14 ပူးပေါင်းရင်းမြစ်များ

LUKAS 1:79

Luak itula Diau endak ngenjuak terang ngan jemau diau idup dalam keleman ngan takut ka mati. Diau endak mbimbing kitau ke jalan damai.”

LUKAS 2:14

“Tepujila Allah di bada diau Mahatinggi. Di deniau damai guak jemau diau melemakka ati Allah.”

YUHANIS 10:16

Masia adau agi bebiri lain ngan Aku diau nidau masuak sangkaran ini. Bebiri itu mesti Kubatak pulau, mangku bebiritu ka ndengaghka suarauKu. Gegalau bebiritu ka njadi seghundak ngan sughang tukang sayia.

YUHANIS 11:52

Diau ukan mati batan endak bangsau itu ajau, tapitu pulau endak nunggalka ngan nyatuka anak-anak Allah diau di bada lainau.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

RASUL 10:28

Diau bekatau ngan ughangtu, “Kapu dighi la keruan, bansau jemau Yahudi nidau diajung agamaunyau tandang ngan sekantin ngan jemau diau jak di bangsau lain. Anyautu Allah la nyatauka ngan aku, bansau aku nidau bulia nganggap sughang kia najis ngan aram.

RASUL 10:36

Kapu dighi la keruan katau Allah diau dikiciakkaNyau ngan bangsau Israil. Katau itu ngiciakka ceritau iluak, jalan damai ngan Allah karnau Yesus Keristus. Diautu Tuhan gegalau manusiau.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

IPISUS 2:15

Mangku ukum Taurat ngan gegalau perintahau diabiska Keristus, mangku duau bangsau itu njadi manusiau empai karnau seghundak ngan Keristus. Ngan carau luak itu Diau ndamaika ughangtu.

IPISUS 2:17

Mangku Keristus datang ngiciakka ceritau damai ngan kamu, jemau diau senitu nidau keruan Allah, pulau ngan jemau diau la keruan Allah.

IPISUS 3:15

Jak di Diau bilang pemili di sergau ngan di deniau nerimau namau sesughangan.

IPISUS 4:16

Diautu mimpin kitau galau, mangku gegalau badan tesusun iluak ngan sendi-sendi tesusun pulau. Mangku amun bilang anggutatu bekerjau ngan semestiau, gegalau badantu ka tumbua ngan diteguaka njadi wagat karnau sangi sayangi.

KULUSI 1:20

Mangku karnau Diau, Allah ndamaika ngan diriAu gegalaunyau diau adau di sergau ngan di deniau. Allah ngerjauka titu ngan carau Ana'Au mati di kayu salip.

KULUSI 2:20

Kamu la mati seghundak ngan Keristus, la bibas jak di kuasau rua deniauni. Ngapau kamu gi idup luak jemau diau dikuasaui deniau? Ngapau kamu tunduak ngan peraturan luak ini:

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

IBRANI 7:2

mangku dienjuakka Abraham bagi sepulua sebagi jak di gegalaunyau diau dighebutinyau. Reti namau Melkisidiktu rajau keadilan, mangku pulau rajau damai, karnau diau rajau Salim.