IPISUS 2:11 - PEJANJIAN EMPAI CERITAU ILUAK

¹¹ Kantin-kantinku diau ukan jemau Yahudi! Ingatkala luak manau kamu senitu. Kamu dikiciakka “jemau nidau besunat” ngan jemau Yahudi diau ngaku'i diriau “disunat”, itula tandau diau dikerjauka manusiau.

IPISUS 2:11 ပူးပေါင်းရင်းမြစ်များ

MATIUS 20:7

Ughangtu nimbal, ‘Karnau nidau bediau jemau diau endak ngupa kami.’ ‘Amun luak itu,’ katau jemau tadi, ‘Pegila ke kebun anggurku.’

RUM 11:17

Separau cangka kayu saitun diau iluak diau diumpamauka jemau Yahudi la ditetak. Mangku cangka kayu diau karut dicangkuakka di guak teta'an tadi. Kamu diumpamauka cangka cangku'antu, mangku kamu idup jak di batang diau iluak.

RUM 2:26

Amun jemau diau nidau disunat ta'at ngan perinta ukum Taurat, apu diau ukan dianggap semegi ngan jemau diau la disunattu?

RUM 2:27

Mangku jemau diau nidau disunat anyautu ngerjauka ukum Taurat ka nyalaka kamu diau la keruan ukum Taurat ngan disunat, anyautu melanggar ukumtu.

1 KURINTUS 12:2

Kamu keruan, timpau kamu lum percayau ngan Tuhan, kamu disesatka nyemba diwau diau bisu ngan mecam-mecam carau.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

GALATIA 2:15

Nyela, kami jemau Yahudi karnau bak kami jemau Yahudi. Kami ukan jemau bedusau jak di bangsau lain.

GALATIA 6:12

Jemau diau nganggap diriau lebia karnau setu diau kina'an, ughangtula diau endak masauka kamu besunat. Ughangtu ngerjauka titu, supayau nidau diluatka jemau Yahudi karnau ngiciakka ceritau Keristus diau mati di kayu salip.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

IPISUS 5:8

Nyela, senitu kamu idup bekeleman. Mbak kini kamu adau di terang, karnau la njadi umat Tuhan. Karnau itu kamu mesti idup dalam terang.

PILIPI 3:3

awuak kitaula diau besunat nian, ukan ughangtu. Kitauni nyemba Allah, dibimbing Rua Allah. Kitauni beterimau-kasia nian karnau la seghundak ngan Yesus Keristus. Kitauni nidau tepaut ngan setu diau dikerjauka di badan manusiau.

KULUSI 1:21

Senitu kamu jawua jak di Allah. Kamu melawan Diau, karnau perembak ngan rupu'an kamu ja'at.

KULUSI 2:11

Karnau seghundak ngan Keristus kamu la disunat, ukan ngan sunat diau dibuat manusiau, tapitu ngan sunat diau dibuat Keristus. Sunattu mbibaska kamu jak di kuasau serilau diau bedusau.

KULUSI 2:13

Senitu kamu luak mati, karnau kamu jemau bedusau ngan nidau keruan ukum Allah. Mbak kini kamu la diidupka Allah seghundak ngan Keristus ngan gegalau dusau kitau la diabiskaNyau.

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.