IPISUS 1:4 - PEJANJIAN EMPAI CERITAU ILUAK

⁴ Antak ka deniauni dijadika, Allah la milia kitau, supayau kitau beresia ngan nidau becacat di adapanNyau. Karnau Diau nyayangi kitau,

IPISUS 1:4 ပူးပေါင်းရင်းမြစ်များ

MATIUS 24:22

Misalau masau itu nidau dipandakka, mangku nidau bediau sughang kia diau selamat. Anyautu karnau umatAu mangku masau itu ka dipandakka.

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

MATIUS 24:31

Terumpit diau besak ka dimunika, mangku Anak Manusiau ka ngajung malaikatAu nunggalka umatAu jak di gegalau deniau.”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

YUHANIS 10:16

Masia adau agi bebiri lain ngan Aku diau nidau masuak sangkaran ini. Bebiri itu mesti Kubatak pulau, mangku bebiritu ka ndengaghka suarauKu. Gegalau bebiritu ka njadi seghundak ngan sughang tukang sayia.

YUHANIS 15:16

Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

RASUL 13:48

Ndengagh kici'an itu gegalau jemau diau ukan Yahudi riang nian ngan ngagungka ceritau jak di Tuhan. Mangku gegalau jemau diau la ditetapka Allah batan endak idup selelamaunyau percayau ngan Tuhan Yesus.

RASUL 15:18

Jak di senitu titu la dikiciakka.

RASUL 18:10

karnau Aku ngantini kaba. Nidau bediau sughang kia diau pacak ngerjauka setu diau ja'at ngan kaba. Karnau umatKu di kuta ini banyak.”

RUM 8:33

Sapau pacak ngaduka jemau diau dipilia, amun Allah la mbenaghkanyau?

1 KURINTUS 1:8

Diau pulau ka neguaka ngan njagaui kamu enggut pengabisan, mangku kamu nidau becacat masau aghi Tuhan kitau Yesus Keristus datang.

GALATIA 5:13

Kantin-kantinku, nyela kamutu la diajung njadi jemau diau bibas. Anyautu jangan kebibasantu njadi tapakan endak idup nuruti kendak dusau. Tapitu kamu mesti sangi sayangi ngan sangi tulungi.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

IPISUS 4:2

Kamu mesti maju ngensian, iluak, ngaligh, sangi sayangi ngan sangi terimau.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

IPISUS 5:27

Ngan carau luak itu ughangtu pacak ngadap Diau ngan beresia ngan alap, nidau bediau cacat ngan celakau ngan tuapau kila diau karut.

PILIPI 2:15

Mangku kamu nidau besala, luak anak-anak Allah diau nidau becacat ngan idup ngan benagh di guak jemau diau ja'at ngan bedusau. Mangku kamu luak bintang diau besinagh di langit nerangi deniau,

KULUSI 1:22

Mbak kini kamu la seilu'an ngan Diau karnau Ana'Au mati. Ngan carau itu kamu pacak dibatak ngadap Allah ngan ati beresia, nidau bediau sala ngan nidau becelakau.

KULUSI 2:2

Aku ngerjauka titu, supayau ughangtu diteguaka ngan sangi sayangi, mangku ughangtu besatu. Ngan carau luak itu ughangtu ngerti nian ngan yakin ngan ngeruani resiau Allah, diautu Keristus.

KULUSI 3:12

Kamutu la njadi umat Allah. Kamu la dipilia njadi ha'Au ngan disayangiNyau. Karnau itu kamu mesti sial, iluak, ngaligh, ngensian, jangan geduak, jangan kejam.

1 TESALUNIKA 3:12

Kami bedu'a, supayau Tuhan mbuat kamuni tamba sangi sayangi ngan nyayangi gegalau jemau, mangku kamu nyayangi nian, semegi luak kami nyayangi kamu.

1 TESALUNIKA 4:7

Allah milia kitau, ukan supayau kitau idup ja'at, tapitu supayau kitau idup beresia.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

1 PITRUS 1:2

Kamu dipilia luak diau la direncanauka Allah Bapak. Kamu la diberesiaka Rua Allah, supayau kamu idup ta'at ngan Yesus Keristus ngan dibasua ngan daghaHau. Aku bedu'a, supayau Allah iluak nianan ngan kamu, maju ngenjuakka damai.

1 PITRUS 1:20

Keristustu la dipilia antak ka deniau dijadika. Mangku masau pengabisan ini Diau datang ke deniau batan endak kamu.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

1 YUHANIS 4:16

Mangku kitau keruan ngan percayau Allah nyayangi kitau. Allah itu nyayangi. Jemau diau maju nyayangi maju seghundak ngan Allah, Allah seghundak ngan diau.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.