IPISUS 1:19 - PEJANJIAN EMPAI CERITAU ILUAK

¹⁹ Mangku kamu keruan pulau, bansau Allah besak nian kuasauNyau diau bekerjau dalam ati kitau. Kuasau Allahtu semegi ngan kuasau diau besak

IPISUS 1:19 ပူးပေါင်းရင်းမြစ်များ

YUHANIS 3:6

Badan kitau dilahirka pejadi, mangku rua kitau diidupka Rua Allah.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

2 KURINTUS 4:7

Retau sergau itu adau di kami diau nidau beregautu diau luak guci dibuat jak di tana, mangku nyatau, bansau kuasau injil diau besaktu asalau jak di Allah ukan jak di kamini.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 3:20

karnau kuasau Allah bekerjau dalam ati kitau. Banyak tegalau dikerjauka Allah sangkan diau pacak kitau du'aka ngan rupuakka.

IPISUS 3:7

Allah ngenju'i aku kerjau endak nceritauka ceritau iluak, karnau Diau iluak ngan aku. Tugastu dienjuakka ngan aku karnau kuasauNyau diau neguaka aku.

IPISUS 6:10

Mangku kamu mesti tegua dalam Tuhan ngan kuasau jak di Tuhan.

PILIPI 2:13

Allahtu maju bekerjau dalam ati kamu, mangku kamu sukau ngan pacak ngerjauka kenda'Au.

PILIPI 3:21

Badan kitauni diau litak ngan pacak mati ka diuba Keristus njadi luak badanAu diau agungtu. Diau ka ngerjauka titu, karnau Diau adau kuasau endak nunduakka gegalaunyau.

KULUSI 1:29

Batan endak itula aku bekerjau mati-matian. Aku beusaha ngan gegalau tenaga diau dienjuakka Keristus ngan aku diau kuat bekerjau di aku.

KULUSI 2:12

Masau kamu dibaptis, kamu dikuburka seghundak ngan Keristus. Mangku masau itu pulau kamu diidupka agi seghundak ngan Diau, karnau percayau ngan kuasau Allah diau la ngidupka Keristus jak di mati.

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

2 TESALUNIKA 1:11

Itula sebapau kami maju du'aka kamu, supayau Allah njadika kamu pantas idup nuruti kenda'Au, karnau batan endak itula kamu dipilia. Kami bedu'a, supayau Allah ngan kuasauNyau nulung kamu endak ngerjauka setu diau iluak diau endak kamu kerjauka, karnau percayau ngan Keristus.

YAKUBUS 1:18

Nurut kenda'Autula Diau njadika kitau ngan pirmanAu diau benagh. Diau ngerjauka titu, supayau kitau bulia bada diau iluak sekali jak di gegalaunyau diau la dijadikaNyau.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.