IPISUS 1:15 - PEJANJIAN EMPAI CERITAU ILUAK

¹⁵ Itula sebapau jak aku ndengagh, bansau kamu percayau ngan Tuhan Yesus ngan nyayangi gegalau umat Allah,

IPISUS 1:15 ပူးပေါင်းရင်းမြစ်များ

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RUM 1:8

Dulu sekali aku endak ngiciakka, bansau gegalau deniau la ndengagh kamu percayau ngan Keristus. Mangku aku beterimau-kasia ngan Allah karnau ceritau kamutu.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

IPISUS 1:1

Jak di aku, Paulus, diau dijadika rasul Yesus Keristus karnau kendak Allah batan endak jemau di Ipisus diau percayau ngan Yesus Keristus.

IPISUS 3:18

Aku bedu'a, supayau kamu ngan gegalau umat Allah pacak ngeruani alaka libaghau ngan panjangau ngan tinggiau ngan dalamau sayang Keristus.

1 TESALUNIKA 1:3

Kami maju teghingat ngan kamu di adapan Allah Bapak kitau, bansau dalam kerjau kamu kina'an kamu percayau nian, kamu iluak ngan jemau ngan galak bekerjau nulung jemau. Kami teghingat pulau, bansau kamu tekun ngaghapka Tuhan kitau Yesus Keristus.

1 TESALUNIKA 4:9

Nidau nanti kami nulis agi ngan kamu ceritau nyayangi kantin seagamau. Kamuni la diajaghi Allah sangi sayangi.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

1 TIMUTIUS 1:14

Anyautu aku dienju'i Tuhan keilu'an banyak kematila, mangku aku pacak percayau ngan nyayangi Yesus Keristus, karnau seghundak ngan Diau.

1 TIMUTIUS 1:5

Tujuan petuaku ini, supayau pacak sangi sayangi ngan ati iluak ngan ati keciak beresia ngan percayau nian ngan Tuhan.

PILEMUN 1:5

Karnau aku la ndengagh, bansau kaba nyayangi gegalau umat Allah ngan percayau nian ngan Tuhan Yesus.

IBRANI 6:10

Allah ukan Allah nidau adil. Diau maju teghingat kerjau kamu senitu batan endak Diau. Diau teghingat pulau sayang kamu diau kamu nyatauka ngan carau kamu nulung kantin-kantin diau percayau. Mangku kamu maju ngerjaukanyau enggut mbak kini.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 YUHANIS 3:17

Amun adau jemau diau buadau nginak kantinau nidau bediau, anyautu enggup nulung diautu, luak manau jemautu pacak ngiciakka, diau nyayangi Allah?

1 YUHANIS 4:21

Mangku perinta inila dienjuakka Tuhan ngan kitau: Jemau diau nyayangi Allah, mesti nyayangi kantinau pulau.