IPISUS 1:14 - PEJANJIAN EMPAI CERITAU ILUAK

¹⁴ Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 1:14 ပူးပေါင်းရင်းမြစ်များ

LUKAS 21:28

Amun gegalaunyautu mulai tejadi, bangunla ngan katangka palak kamu, karnau jerang agi kamu ka diselamatka.”

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 20:32

Mangku mbak kini aku nyeraka kapu dighi ngan Allah, supayau Diau njagaui kapu dighi ngan kapu dighi na'ati ceritau keilu'an Allah. Allahtu bekuasau nguatka kapu dighi ngan ngenjuakka setu diau iluak diau la disediauka batan endak gegalau umatAu.

RUM 8:23

Ukan itu ajau, kitau pulau nyempit dalam ati. Kitau la nerimau Rua diau dienjuakka Allah njadi pengenjuak diau dulu sekali. Kitau masia nunggu Allah mbibaska kitau njadika kitau ana'Au.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

2 KURINTUS 1:22

Diau la nandaui kitau njadi ha'Au ngan ngenjuakka RuaHau dalam ati kitau. Titu jaminan, bansau Diau ka ngenjuakka gegalaunyau diau la dijanjikaNyau batan endak kitau.

2 KURINTUS 5:5

Allah nyediauka kitau batan endak itu, mangku Diau ngenjuakka RuaHau ngan kitau njadi jaminan gegalaunyau diau la disediauka batan endak kitau.

GALATIA 4:6

Karnau kamu anak Allah, mangku Diau ngajung Rua Ana'Au nguasaui ati kitau diau ngiciakka, “Bak, bakku!”

IPISUS 1:11

Allah ngerjauka gegalaunyautu nurut kenda'Au diau ditetapka jak di senitu. Jak di penembai Diau la milia kitau njadi umatAu, karnau seghundak ngan Keristus.

IPISUS 1:12

Mangku kami diau dulu sekali ngaghapka Keristustu ngagungka Allah karnau Diau agung.

IPISUS 4:30

Jangan madakka Rua Allah. Kamu la ditandaui ngan Ruatu njadi hak Allah. Ruatu njadi jaminan batan endak kitau, bansau aghi kitau diselamatka ka sampai.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.