IPISUS 1:11 - PEJANJIAN EMPAI CERITAU ILUAK

¹¹ Allah ngerjauka gegalaunyautu nurut kenda'Au diau ditetapka jak di senitu. Jak di penembai Diau la milia kitau njadi umatAu, karnau seghundak ngan Keristus.

IPISUS 1:11 ပူးပေါင်းရင်းမြစ်များ

RASUL 13:48

Ndengagh kici'an itu gegalau jemau diau ukan Yahudi riang nian ngan ngagungka ceritau jak di Tuhan. Mangku gegalau jemau diau la ditetapka Allah batan endak idup selelamaunyau percayau ngan Tuhan Yesus.

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

RASUL 20:27

Karnau nidau kekela aku malas ngerjauka kerjauku ngiciakka ngan kapu dighi gegalau rencanau Allah.

RASUL 20:32

Mangku mbak kini aku nyeraka kapu dighi ngan Allah, supayau Diau njagaui kapu dighi ngan kapu dighi na'ati ceritau keilu'an Allah. Allahtu bekuasau nguatka kapu dighi ngan ngenjuakka setu diau iluak diau la disediauka batan endak gegalau umatAu.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RASUL 4:28

Ughangtu betunggal endak ngerjauka gegalaunyau diau la Dighi tetapka jak di senitu, karnau kuasau ngan kendak Dighi.

RUM 11:34

Di Injil ditulis, “Sapau diau ngeruani rupu'an Tuhan? Sapau pulau pacak ngenjuak petua-peturun ngan Diau?

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

RUM 9:11

Antak ka duau ana'autu adau, Allah la milia sughang. Pilian Allah nidau bepaut ngan kerjau manusiau, tapitu bepaut ngan kendak Allah, karnau masau itu duau ughangtu lum pacak ngerjauka tuapau-apau, apu diau iluak apu diau ja'at.

GALATIA 3:18

Amun pengenjuak Allah bepaut ngan ukum Taurat, itu ukan agi pengenjuak diau dijanjikatu. Tapitu karnau Allah la njanjikanyau ngan Abraham, mangku dienjuakkaNyau ngan diau.

IPISUS 1:14

Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

IPISUS 1:5

mangku Diau la netapka jak di senitu, supayau kitau dijadika ana'Au karnau Yesus Keristus, nyela titu kenda'Au.

IPISUS 1:8

Allah iluak ngan kitau, karnau Diau keruan gegalaunyau ngan bepengertian nian.

IPISUS 1:9

Diau la nyatauka ngan kitau resiau rencanauNyau, karnau Diau endak nyataukanyau. Rencanautu la direncanauka jak di penembai endak diudimi Keristus.

IPISUS 3:11

RencanauNyau la adau jak di penembai, mangku diajungAu Yesus Keristus, Tuhan kitau, ngerjaukanyau.

KULUSI 1:12

Mangku kamu beterimau-kasia ngan Allah Bapak, karnau Allahtu njadika kamu pantas nerimau setu diau disediaukaNyau batan endak umatAu di bada diau terang.

KULUSI 3:24

Ingatkala bansau kamu ka nerimau upa jak di Tuhan diau dijanjikaNyau, karnau Keristus Tuhan kamu ngan kamu bekerjau batan endak Diau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

TITUS 3:7

Mangku kitau diau la dibenaghka karnau keilu'anNyautu bulia idup selelamaunyau diau kitau aghapkatu.

IBRANI 6:17

Allah endak negaska ngan jemau diau nerimau janjiAutu, bansau Diau nidau ka ngubai rencanauNyau. Itula sebapau Diau nambai sumpaHau ngan janjiAutu.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

1 PITRUS 1:4

Mangku kitau ngaghapka bulia bagian diau disediauka Allah batan endak umatAu. Bagiantu diimpani di sergau, mangku nidau pacak ghemas, busuak ngan luntur.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.