IBRANI 9:9 - PEJANJIAN EMPAI CERITAU ILUAK

⁹ Titu nggambarka masau mbak kini. Retiau bansau enju'an ngan kerban benatang diau dikerbanka ngan Allahtu nidau pacak mberesiaka ati ngan sempernau jemau diau ngerbankanyau.

IBRANI 9:9 ပူးပေါင်းရင်းမြစ်များ

RUM 5:14

Empuak luak itu jak timpau Adam enggut timpau Musa gegalau jemau mati galau. Jemau diau nidau melanggar luak Adam ngikut mati galau. Adamtu gambaran jemau diau ka datang nantitu.

GALATIA 3:21

Amun luak itu, apu ukum Taurat belawanan ngan janji Allah? Nidau ka adau! Karnau misalau ukum Taurat dienjuakka batan endak bulia idup, mangku manusiau dibenaghka karnau nuruti ukumtu.

IBRANI 10:11

Idang aghi imam maju ngerjauka tugasau, maju ngerbanka kerban diau semegi diau nidau nian pacak ngabiska dusau.

IBRANI 11:19

Diautu yakin, bansau Allah pacak ngidupka jemau mati, mangku pacak dikiciakka, Isak la ngulang idup jak di mati dienjuakka ngan ba'autu.

IBRANI 5:1

Bilang imam besak dipilia jak di guak kantin-kantinau, ditetapka bekerjau batan endak Allah nggentika ughangtu. Tugasau endak ngenjuakka ngan Allah enju'an ngan kerban karnau dusau.

IBRANI 7:11

Karnau imam-imam Liwi ukum Taurat dienjuakka ngan jemau Israil. Anyautu imamtu nidau pacak ngerjaukanyau ngan sempernau. Karnau itu mesti adau imam lain diau nurut carau imam Melkisidik, ukan jak di rumbungan Harun.

IBRANI 8:4

Misalau Diau di deniauni, Diau nidau nian ka njadi imam, karnau la adau imam diau ngenjuakka kerban nurut ukum Taurat.

IBRANI 9:24

Keristus nidau masuak ke bada suci diau dibuat manusiau diau cuman gambar jak di bada suci diau sebenaghau. Diautu masuak sergau nian, mangku mbak kini Diau ngadap Allah batan endak kepentingan kitau.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati