IBRANI 9:28 - PEJANJIAN EMPAI CERITAU ILUAK

²⁸ Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

IBRANI 9:28 ပူးပေါင်းရင်းမြစ်များ

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

MATIUS 26:28

Inila daghaKu diau neguaka janji Allah. Dagha itu ditumpaka batan endak ngampuni dusau banyak jemau.

YUHANIS 14:3

La udim Aku pegi ke situ ngan nyediauka bada batan endak kamu, Aku ka ngulang agi, mangku mbatak kamu ke badaKu, supayau di manau badaKu, di situ pulau bada kamu.

RASUL 1:11

sampai bekatau, “Ui jemau Galilia, ngapau kamu ncungak ke langit? Yesus ini diau kamu kina'i tuangkat ke sergautu, ka ngulang agi ngan carau luak diau la kamu kina'i tadi.”

RUM 3:25

Yesus Keristus itula la ditetapka Allah batan endak mati, mangku manusiau pacak seilu'an ngan Allah, amun percayau. Allah ngerjauka titu endak nyatauka, bansau Diautu adil. Senitu Allah ngaligh ngan jemau bedusau, mangku lum diukum.

RUM 5:15

Anyautu ughang duautu nidau semegi. Besakla akibat keilu'an ati Allah sangkan akibat pelanggaran Adam. Nyela, banyak jemau mati, ikak sughang jemau nidau ta'at. Besakla akibat keilu'an ngan pengenjuak Allah diau dienjuakka ngan banyak jemau, karnau keilu'an ati sughang jemau, diautu Yesus Keristus.

RUM 6:10

Karnau satu Diau mati, dusau nidau bekuasau agi. Titu tejadi cuman sekali ajau batan endak selelamaunyau, mangku idupAu mbak kini batan endak Allah.

RUM 8:23

Ukan itu ajau, kitau pulau nyempit dalam ati. Kitau la nerimau Rua diau dienjuakka Allah njadi pengenjuak diau dulu sekali. Kitau masia nunggu Allah mbibaska kitau njadika kitau ana'Au.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

1 KURINTUS 1:7

Mangku kamu nidau kurang tuapau-apau pengenjuak Rua Allah, penarau kamu nunggu Tuhan kitau Yesus Keristus datang agi.

1 KURINTUS 15:54

Mangku amun badan diau ka mati la digenti ngan badan diau nidau ka mati, badan jak di deniauni digenti ngan badan jak di sergau, mangku la ditepati setu diau ditulis dalam Injil, “Kematian la dilengitka, kemenangan la dapat.”

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

2 TESALUNIKA 2:1

Ceritau Tuhan kitau Yesus Keristus datang ngan ceritau kitau ditunggalka ngan Diau, inila diau kami ajungka nian ngan kamu:

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 1:14

Amun luak itu, malaikattu sapau sebenaghau? Ughangtu rua diau bekerjau batan endak Allah, diajungAu nulung jemau diau ka diselamatka.

IBRANI 10:10

Yesus Keristus la ngerjauka kendak Allah ngan nyeraka diriAutula njadi kerban. Mangku kitau la diberesiaka karnau kerbantu diau dikerbanka cuman sekali ajau.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

IBRANI 2:3

Apau agi ngan ceritau selamat. Hibatla ceritau itu sangkan katau Allah tadi! Amun kitau nidau meratika nian ceritau selamattu, cetau kitau ka diukum. Tuhan itula diau dulu sekali ngiciakka ceritau selamattu, mangku jemau diau la ndengaghau senitu la mbuktika ngan kitau, bansau ceritautu benagh.

IBRANI 4:15

Imam Besak kitautu pacak meghasauka kekilapan kitau, karnau Diau pulau dicubaui ngan gegalaunyau, anyautu nidau bedusau.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

IBRANI 7:27

Diautu nidau luak imam besak lain diau idang aghi bekerban ngan Allah karnau dusaunyau. Udim itu diau ngenjuakka kerban karnau dusau jemau. Yesustu ngenjuakka kerban cuman sekali ajau, masau Diau nyeraka diriAu njadi kerban.

IBRANI 9:25

Idang taun imam besak masuak ke bada diau suci sekali mbatak dagha benatang. Tapitu Keristus masuak ngerbanka diriAu ukan beulang-ulang.

1 PITRUS 2:24

Keristus itula diau nanggungka dusau kitau di kayu salip, supayau kitau bibas jak di kuasau dusau mangku idup nurut kendak Allah. Kamu la ghadu karnau lukau Keristustu.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

2 PITRUS 3:12

semasau kamu nunggu ngan beusaha Tuhan cepat datang. Masau itu langit ka abis mutung, deniau ka ancur karnau angatau.

1 YUHANIS 3:2

Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.

1 YUHANIS 3:5

Kamu keruan, bansau Keristus datang endak ngabiska dusau manusiau, mangku Diau nidau bediau dusau.

YUDAS 1:21

Jagauila diri kamu, mangku kamu nidau nyimpang jak di sayang Allah, sampai nungguka Tuhan kitau Yesus Keristus ngenjuakka ngan kamu idup selelamaunyau, karnau Diau iluak nian.

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!