IBRANI 9:12 - PEJANJIAN EMPAI CERITAU ILUAK

¹² Diautu masuak ke dalam kimatu di bada diau suci sekali cuman sekali ajau. Masau itu Diau mbatak dagha Diautula, ukan dagha kambing lanang, ukan dagha sapi diau endak dikerbanka. Mangku ngan daghaHautu Diau mbibaska kitau selelamaunyau.

IBRANI 9:12 ပူးပေါင်းရင်းမြစ်များ

MARKUS 3:29

Anyautu amun jemau nggelakka Rua Allah, diau nidau pacak diabiska dusaunyautu, karnau gela'antu dusau selelamaunyau.”

LUKAS 1:68

“Tepujila Allah, Tuhan Israil, karnau Diau datang nulung umatAu ngan mbibaskanyau.

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

KULUSI 1:14

Karnau Diau kitau la ditebus, retiau dusau kitau la diabiska.

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 1:3

Di Diautula tekinak keagungan Allah diau besinagh. Gegalau sipat Allah adau di Diau galau. Diautu pulau nyayia gegalaunyau ngan katauNyau diau bekuasau nian. Diautu dipakuka di kayu salip, mangku dusau manusiau pacak diabiska. Udim itu Diau duduak di sebela kanan Allah diau Mahakuasau di bada diau tinggi.

IBRANI 10:19

Mangku, kantin-kantinku, mbak kini dagha Yesus mbuat kitau beghani masuak ke bada diau suci.

IBRANI 10:4

Dagha sapi ngan dagha kambing lanang nidau pacak ngabiska dusau.

IBRANI 13:12

Itula sebapau Yesus pulau mati di luagh kuta endak mberesiaka umatAu jak di dusaunyau ngan daghaHautula.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

IBRANI 7:27

Diautu nidau luak imam besak lain diau idang aghi bekerban ngan Allah karnau dusaunyau. Udim itu diau ngenjuakka kerban karnau dusau jemau. Yesustu ngenjuakka kerban cuman sekali ajau, masau Diau nyeraka diriAu njadi kerban.

IBRANI 9:13

Dagha kambing ngan sapi lanang ngan abu kerban sapi mudau dipakai endak megheci'i jemau najis, endak dibasua mangku beresia. Amun dagha ngan abutu pacak mberesiaka jemau di luagh nurut peraturan agamau,

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

IBRANI 9:19

Musa ngiciakka gegalau perinta Allah ngan jemau Israil. Udim itu diau ngambiak dagha anak sapi ngan dagha kambing lanang diundakka ngan ayiak, mangku dipegheciakka di kitab ukum Taurat ngan di gegalau jemau Israil pakai ghumput isup ngan bulu bebiri abang,

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

IBRANI 9:7

Diau masuak ke bada diau dalam sekali di kimatu Imam Besak, cuman sekali ajau setaun. Titu dikerjaukanyau ngan mbatak dagha diau dienjuakka ngan Allah batan endak diriau ngan umatau endak ngabiska dusau diau nidau disajauka.

PENGINA'AN 1:5

ngan jak di Yesus Keristus diau nyatauka setu diau pacak dipercayaui. Diautu dulu sekali ngulang idup jak di mati mangku nguasaui rajau-rajau di deniauni. Diautu nyayangi kitau ngan mbibaska kitau jak di dusau karnau daghaHau,

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.