IBRANI 7:28 - PEJANJIAN EMPAI CERITAU ILUAK

²⁸ Ukum Taurattu senitu netapka jemau diau adau banyak kekilapan njadi imam besak. La udim itu Allah bejanji ngan sumpa, bansau Diau netapka Ana'Au njadi Imam Besak diau sempernau selelamaunyau.

IBRANI 7:28 ပူးပေါင်းရင်းမြစ်များ

LUKAS 13:32

Yesus nimbal, “Pegila, kiciakka ngan jemau calak itu, ‘Aku ngisitka iblis ngan meghadui jemau buidapan mbak kini ngan pagi. Mangku lusau Aku ka ngudimi kerjauKu.’

YUHANIS 19:30

La udim Yesus ngisap ayiak anggur itu, Diau bekatau, “La udim!” Mangku Diau ngelintuakka pala'Au ngan nyeraka nyawauNyau.

IBRANI 1:2

Masau pengabisan ini Diau la ngajung Ana'Au ngiciak ngan kitau. Diau ngajung Ana'Autu njadika langit ngan deniau ngan gegalau isiau, mangku ditetapkaNyau behak nerimau gegalaunyau.

IBRANI 2:10

Allah itu njadika gegalaunyau batan endak diriAu. Sepantasau Diau njadika Yesus sempernau ngan carau Diau sengsarau, mangku dibata'Au banyak jemau endak diagungka. Diautu pulau mbukak jalan mangku ughangtu selamat.

IBRANI 2:17

Itula sebapau Diau mesti njadi semegi nian ngan manusiau, mangku Diau njadi Imam Besak diau iluak ngan nyialka jemau ngan pacak dipercayaui, bekerjau batan endak Allah. Mangku dusau manusiau pacak diabiska.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 4:14

Mela kitau maju ngandalka ngan kepercayauan kitau, karnau kitau adau Imam Besak diau agung diau la sampai guak Allah, diautu Yesus, Anak Allah.

IBRANI 5:5

Luak itu pulau Keristus. Diautu nidau ngagungka diriAu njadi Imam Besak, tapitu Allah itula diau milia Diau, katauNyau, “Kabanila AnakKu. Saghini Aku njadi Bak Kaba.”

IBRANI 7:21

Yesustu ditetapka njadi imam pakai sumpa Allah, katauNyau ngan Diau, “Tuhan la besumpa, nidau ka beghuba agi, ‘Kabani imam selelamaunyau.’ ”

IBRANI 7:24

Anyautu Yesus idup selelamaunyau, mangku tugasAu njadi imam nidau dienjuakka ngan jemau lain.

IBRANI 7:3

Diautu nidau bediau bak ngan mak ngan nidau bediau pengadau. Nidau pulau keruan, kebilau diautu adau, kebilau diau mati. Diautu luak Anak Allah, imam selelamaunyau.