IBRANI 7:26 - PEJANJIAN EMPAI CERITAU ILUAK

²⁶ Imam Besak luak Yesus itula diau kitau perluka. Diautu beresia, nidau bediau sala ngan dusauNyau. Diau diasingka jak di jemau bedusau, mangku Diau ditinggika ke bada diau tinggi di sergau.

IBRANI 7:26 ပူးပေါင်းရင်းမြစ်များ

MATIUS 27:18

Pilatus ngiciak luak itu, karnau diau keruan, bansau pengulu jemau Yahudi nyeraka Yesus ngan diau, karnau ughangtu sengit.

MARKUS 16:19

La udim Tuhan Yesus ngiciak ngan ughangtu, Diau tuangkat ke sergau. Di situ Diau duduak di sebela kanan Allah.

LUKAS 1:35

Malaikattu nimbal, “Rua Allah ka datang ke kaba, mangku kuasau Allah diau Mahatinggi ka menui kaba. Itula sebapau Anak diau ka kaba lahirkatu ka dikiciakka suci, Anak Allah.

LUKAS 23:22

Ketigau kaliau Pilatus bekatau ngan ughangtu, “Tuapau salaHau Jemau ini? Nidau dikit kia salaHau kudapatka di Diau diau pantas diukum mati. Aku ka mbaduki Diau mangku dibibaska.”

LUKAS 23:41

Nyela, kitau ughang duauni pantas diukum sesuai ngan perembak kitau. Anyautu Diauni dikit kia nidau besala.”

LUKAS 23:47

Kumandan tentera nginak gegalau diau tejadi, mangku ngagungka Allah ngan bekatau, “Nyela nian, Diauni jemau benagh.”

LUKAS 24:26

Nyela, Rajau Penyelamat mesti meghasauka sengsarau itu kudai mangku diregaui.”

LUKAS 24:46

Katau Yesus, “Dalam Injil tetulis luak ini, ‘Mesias, Rajau Penyelamat, mesti sengsarau, mangku la duau malam ngulang idup jak di mati.’

YUHANIS 14:30

Aku nidau ka ngiciak banyak agi ngan kamu, karnau la masaunyau penguasau deniauni datang. Anyautu diau nidau bekuasau ngan diriKu.

YUHANIS 8:29

Diau ngajung Aku nyertaui Aku. Diau nidau kekela ngenangka Aku sughang, karnau Aku maju ngerjauka setu diau melemakka atiAu.”

RASUL 3:14

Diautu iluak lagi beresia. Anyautu kapu dighi enggup nerimau Diau, mangku ngajung Pilatus, supayau sughang pembunua dilepaskanyau batan endak kapu dighi.

RASUL 4:27

Nyela, rajau Herudis ngan Puntius Pilatus la betunggal di kuta ini ngan jemau diau nidau keruan Tuhan ngan jemau Israil pulau. Ughangtu melawan Yesus, Budak Dighi diau beresia, diau la Dighi tetapka njadi Rajau Penyelamat.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

IBRANI 1:3

Di Diautula tekinak keagungan Allah diau besinagh. Gegalau sipat Allah adau di Diau galau. Diautu pulau nyayia gegalaunyau ngan katauNyau diau bekuasau nian. Diautu dipakuka di kayu salip, mangku dusau manusiau pacak diabiska. Udim itu Diau duduak di sebela kanan Allah diau Mahakuasau di bada diau tinggi.

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

IBRANI 2:10

Allah itu njadika gegalaunyau batan endak diriAu. Sepantasau Diau njadika Yesus sempernau ngan carau Diau sengsarau, mangku dibata'Au banyak jemau endak diagungka. Diautu pulau mbukak jalan mangku ughangtu selamat.

IBRANI 2:17

Itula sebapau Diau mesti njadi semegi nian ngan manusiau, mangku Diau njadi Imam Besak diau iluak ngan nyialka jemau ngan pacak dipercayaui, bekerjau batan endak Allah. Mangku dusau manusiau pacak diabiska.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

IBRANI 7:11

Karnau imam-imam Liwi ukum Taurat dienjuakka ngan jemau Israil. Anyautu imamtu nidau pacak ngerjaukanyau ngan sempernau. Karnau itu mesti adau imam lain diau nurut carau imam Melkisidik, ukan jak di rumbungan Harun.

IBRANI 8:1

Inti gegalau kici'an tadi kitau adau Imam Besak diau duduak di sebela kanan Allah diau Mahabesak di sergau.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

1 PITRUS 1:19

tapitu dagha Keristus itula diau besak nian regaunyau. Diautu njadi luak anak bebiri diau nidau bediau cacat ngan nidau bediau salahau diau dikerbanka ngan Allah.

1 PITRUS 2:22

Diau nidau kekela mbuat dusau ngan nidau sughang kia ndengagh Diau mbu'ung.

1 PITRUS 3:22

ngan la nayiak ke sergau. Mbak kini Diau duduak di sebela kanan Allah ngan merinta gegalau malaikat ngan penguasau ngan rua.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

1 YUHANIS 3:5

Kamu keruan, bansau Keristus datang endak ngabiska dusau manusiau, mangku Diau nidau bediau dusau.

PENGINA'AN 3:7

“Ngan malaikat jemau Keristen di Piladelpia tuliskala luak ini: ‘Inila katau Aku, Aku suci ngan benagh. Aku adau kunci Daud. Amun Aku mbukak, nidau bediau sughang kiala diau pacak ngatupkanyau. Mangku amun Aku ngatupka, nidau bediau sughang kiala diau pacak mbuka'au.