IBRANI 7:25 - PEJANJIAN EMPAI CERITAU ILUAK

²⁵ Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

IBRANI 7:25 ပူးပေါင်းရင်းမြစ်များ

YUHANIS 14:13

mangku setu diau kamu pintak atas namauKu ka Kuenjuakka, mangku Bapak dipuji karnau Aku.

YUHANIS 14:16

Aku ka mintakka ngan Bapak, mangku Diau ka ngenju'i kamu Penulung lain diau ka adau guak kamu selelamaunyau.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

RUM 5:10

Masau kitau gi bemusuan ngan Allah, kitau la didamaika karnau Ana'Au mati batan endak kitau, apau agi mbak kini kitau diau la seilu'an ngan Allah, cengki kitau ka diselamatka karnau Keristus idup.

RUM 5:2

Karnau kitau percayau ngan Diau, mangku Diau nulung kitau ngeruani keilu'an Allah. Mbak kini kitau la meghasaukanyau. Mangku kitau riang, karnau adau aghapan kitau ka meghasauka keagungan Allah.

RUM 8:34

Apu adau diau pacak nyalaka ughangtu? Nidau bediau! Yesus Keristus la mati, tapitu la diidupka agi jak di mati, la duduak di sebela kanan Allah, mangku Diautu ka mbenaghka ughangtu.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

IPISUS 2:18

Karnau Keristus mangku gegalau kitau, empuak jemau Yahudi empuak ukan jemau Yahudi, pacak ngadapi Allah karnau Rua diau semegi.

IPISUS 3:12

Karnau kitau percayau ngan Keristus ngan seghundak ngan Diau, mangku kitau beghani ngiciak ngan Allah, karnau kitau percayau nian.

IPISUS 3:20

karnau kuasau Allah bekerjau dalam ati kitau. Banyak tegalau dikerjauka Allah sangkan diau pacak kitau du'aka ngan rupuakka.

PILIPI 3:21

Badan kitauni diau litak ngan pacak mati ka diuba Keristus njadi luak badanAu diau agungtu. Diau ka ngerjauka titu, karnau Diau adau kuasau endak nunduakka gegalaunyau.

1 TIMUTIUS 2:5

Allah gi sughang. Mangku diau mbuat manusiau seilu'an ngan Allahtu gi sughang pulau, diautu manusiau Yesus Keristus.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

IBRANI 11:6

Amun nidau percayau, nidau ka adau Allah riang ngan jemau. Karnau jemau diau datang ngadap Allah mesti percayau, bansau Allahtu adau, ngan ngenjuakka upa ngan jemau diau ndala'i Diau ngenian.

IBRANI 13:15

Karnau itu mela kitau maju muji Allah karnau Yesus. Titu njadi kerban beterimau-kasia ngan Diau, diau kitau enjuakka ngan mulut kitau endak ngagungka Diau.

IBRANI 2:18

Mangku mbak kini Diau pacak nulung jemau diau dicubaui, karnau Diau pulau la sengsarau ngan dicubaui.

IBRANI 2:9

Diau kitau kinak itu Yesus diau bekuasau. Gi jerang ajau kuasauNyau dibuat kurang jak di kuasau malaikat, supayau Diau sengsarau ngan mati batan endak gegalau manusiau, karnau Allah sayang ngan kitau. Mbak kini kitau nginak Diau la dienjuakka pangkat tinggi diau agung ngan diregaui, karnau Diau la sengsarau enggut mati.

IBRANI 5:7

Masau Yesus adau di deniauni, Diau bedu'a sampai nangis, mintak ngan Allah diau pacak ngilakkaNyau jak di mati. Mangku Diau didengaghka, karnau Diau nunduak takut ngan Allah.

IBRANI 7:16

Diautu dijadika imam ukan karnau peraturan manusiau, tapitu karnau kuasauNyau ngan idupAu diau nidau ka abis.

IBRANI 7:19

Ukum Taurattu nidau pacak nyempernauka. Mangku mbak kini kitau dienju'i aghapan diau lebia iluak agi, mangku kitau pacak masighi Allah.

IBRANI 7:24

Anyautu Yesus idup selelamaunyau, mangku tugasAu njadi imam nidau dienjuakka ngan jemau lain.

IBRANI 7:8

Biasaunyau imam diau nerimau bagi sepulua sebagi cuman manusiau diau ka mati. Tapitu nurut Injil, Melkisidik diau nerimau bagi sepulua sebagitu maju idup.

IBRANI 9:24

Keristus nidau masuak ke bada suci diau dibuat manusiau diau cuman gambar jak di bada suci diau sebenaghau. Diautu masuak sergau nian, mangku mbak kini Diau ngadap Allah batan endak kepentingan kitau.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.