IBRANI 7:19 - PEJANJIAN EMPAI CERITAU ILUAK

¹⁹ Ukum Taurattu nidau pacak nyempernauka. Mangku mbak kini kitau dienju'i aghapan diau lebia iluak agi, mangku kitau pacak masighi Allah.

IBRANI 7:19 ပူးပေါင်းရင်းမြစ်များ

YUHANIS 1:17

Allah ngenjuakka ukum Taurat ngan Musa, anyautu keilu'anNyau ngan kebenaghanNyau diancakkaNyau di Yesus Keristus.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

RASUL 13:39

Karnau Diautu bilang jemau diau percayau pacak dilepaska jak di gegalau dusaunyau. Titu nidau pacak dikerjauka ukum Musa.

RUM 5:2

Karnau kitau percayau ngan Diau, mangku Diau nulung kitau ngeruani keilu'an Allah. Mbak kini kitau la meghasaukanyau. Mangku kitau riang, karnau adau aghapan kitau ka meghasauka keagungan Allah.

RUM 7:7

Amun luak itu, tuapau diau pacak kitau kiciakka? Apu ukum Taurat ja'at? Nidau ka adau! Aku keruan dusau karnau ukum Taurat. Aku nidau keruan, tuapau retiau ngibauka barang jemau, amun ukan ukum ngiciakka, “Jangan ngibauka barang jemau.”

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

GALATIA 3:21

Amun luak itu, apu ukum Taurat belawanan ngan janji Allah? Nidau ka adau! Karnau misalau ukum Taurat dienjuakka batan endak bulia idup, mangku manusiau dibenaghka karnau nuruti ukumtu.

GALATIA 3:24

Mangku ukum Taurat njadi penjagau kitau, enggut Keristus datang endak mbenaghka kitau, karnau kitau percayau ngan Diau.

IPISUS 3:12

Karnau kitau percayau ngan Keristus ngan seghundak ngan Diau, mangku kitau beghani ngiciak ngan Allah, karnau kitau percayau nian.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

1 TIMUTIUS 1:1

Jak di aku, Paulus. Aku njadi rasul Yesus Keristus karnau perinta Allah, Penyelamat kitau, ngan Yesus Keristus diau njadi aghapan kitau.

IBRANI 10:1

Ukum Taurat nggambarka setu diau iluak diau ka datang nanti. Itu cuman gambaran ajau, ukan diau sebenaghau. Idang taun kerban diau semegi maju dikerbanka. Manau ka adau ukum Taurat ngan kerbantu pacak nyempernauka jemau diau endak nyemba Allah.

IBRANI 11:40

karnau Allah merencanauka setu diau lebia iluak batan endak kitau. RencanauNyau, supayau ughangtu njadi sempernau serempak ngan kitau.

IBRANI 11:6

Amun nidau percayau, nidau ka adau Allah riang ngan jemau. Karnau jemau diau datang ngadap Allah mesti percayau, bansau Allahtu adau, ngan ngenjuakka upa ngan jemau diau ndala'i Diau ngenian.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 4:16

Karnau itu mela kitau beghani ngadap Allah diau iluak atiAu. Allahtu iluak ngan kitau ngan nyayangi kitau, mangku kitau ditulung, kebilau kitau merlukanyau.

IBRANI 6:18

Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

IBRANI 7:11

Karnau imam-imam Liwi ukum Taurat dienjuakka ngan jemau Israil. Anyautu imamtu nidau pacak ngerjaukanyau ngan sempernau. Karnau itu mesti adau imam lain diau nurut carau imam Melkisidik, ukan jak di rumbungan Harun.

IBRANI 7:20

Lagi pulau gegalaunyautu diteguaka ngan sumpa Allah. Anyautu nidau bediau sumpa luak itu, masau imam-imam itu tadi ditetapka.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

IBRANI 8:6

Anyautu mbak kini Yesus dapat tugas imam diau jawua lebia penting jak di kerjau imam-imam tadi, karnau pejanjian diau dibuatAu di antarau Allah ngan manusiau jawua lebia penting, karnau setu diau dijanjikatu lebia iluak.

IBRANI 9:9

Titu nggambarka masau mbak kini. Retiau bansau enju'an ngan kerban benatang diau dikerbanka ngan Allahtu nidau pacak mberesiaka ati ngan sempernau jemau diau ngerbankanyau.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.