IBRANI 6:19 - PEJANJIAN EMPAI CERITAU ILUAK

¹⁹ Aghapan kitautu njadi pegangan diau kuat ngan aman batan endak idup kitau luak sauh, alat diau mendamka kapaltu. Aghapantu masuak enggut ke belakang tabir duaghau, ke dalam biliak diau Mahasuci di Ghuma Allah.

IBRANI 6:19 ပူးပေါင်းရင်းမြစ်များ

MATIUS 27:51

Tabir Ghuma Allah cebagh bela duau jak di pucuak enggut ke bawa. Adau gempau mangku bukit-bukit batu peca.

RASUL 23:6

Paulus keruan, mbak bansau separau jak di angguta pengadilan agamautu jemau Saduki ngan separau agi jemau Parisi, mangku diau bekatau ngan ughangtu, “Akuni jemau Parisi, bak kami jemau Parisi pulau. Aku diadapka di pengadilan ini, karnau aku percayau, bansau jemau diau la mati ka idup agi.”

RASUL 27:29

Ughangtu takut, kalu tekandas di batu karang, mangku ditughunkanyau empat bua alat mendamka kapal di belakang, mangku kami bedu'a, supayau aghi gancang siang.

RASUL 27:40

Ughangtu netak tali alat mendamka kapal, mangku ngenangka alattu dalam laut, tali kemudi dipaculi, layar di mukau dipasang, mangku kapal dibatak angin nuju pantai tadi.

RUM 4:16

Allah bejanji karnau jemau percayau ngan Diau. Janjitu dienjuakka ajau, mangku janjitu dienjuakka ngan gegalau pengadau Abraham, ukan ajau ngan jemau diau nuruti ukum Taurat, tapitu pulau ngan jemau diau percayau luak Abraham, karnau Abraham bak kitau galau.

RUM 4:18

Abraham maju ngaghap ngan percayau, awuak nidau bediau aghapan agi, bansau diau njadi bak banyak bangsau, luak ditulis di Injil, “Pengadau kaba ka banyak nianan.”

RUM 5:4

Ketekunan mbuat kitau ta'an diuji, mangku karnau ta'an diuji adau aghapan.

1 KURINTUS 13:13

Mangku penarau ini adau tigau mecam diau mesti kitau kerjauka: percayau, ngaghapka ngan nyayangi jemau. Mangku diau penting sekali jak di tigau itu nyayangi jemau.

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

IPISUS 2:6

Mangku kitau seghundak ngan Yesus Keristus. Karnau itu Allah ngidupka kitau agi, mangku Diau ngenjuakka ngan kitau bada di sergau endak merinta ngan Diau.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

KULUSI 3:1

Kamu la diidupka agi seghundak ngan Keristus. Karnau itu beusahala, mangku bulia setu diau adau di sergau, di bada Keristus duduak di sebela kanan Allah.

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

IBRANI 4:16

Karnau itu mela kitau beghani ngadap Allah diau iluak atiAu. Allahtu iluak ngan kitau ngan nyayangi kitau, mangku kitau ditulung, kebilau kitau merlukanyau.

IBRANI 9:3

Bagian dalam di baling tabir adau bada diau dikiciakka Bada Mahasuci.

IBRANI 9:7

Diau masuak ke bada diau dalam sekali di kimatu Imam Besak, cuman sekali ajau setaun. Titu dikerjaukanyau ngan mbatak dagha diau dienjuakka ngan Allah batan endak diriau ngan umatau endak ngabiska dusau diau nidau disajauka.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.