IBRANI 6:18 - PEJANJIAN EMPAI CERITAU ILUAK

¹⁸ Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

IBRANI 6:18 ပူးပေါင်းရင်းမြစ်များ

MATIUS 24:35

Langit ngan deniau ka lengit, tapitu kici'anKu nidau ka lengit, ka tetap selelamaunyau.”

MATIUS 3:7

Banyak pulau jemau Parisi ngan jemau Saduki datang endak dibaptis. Anyautu satu nginak ughangtu datang, Yuhanis bekatau, “Ui, kamutu jemau ja'at luak ulagh. Sapau diau ngiciakka, bansau kamu pacak lepas jak di ukuman Allah diau ka datangtu?

LUKAS 2:25

Di Yerusalim adau sughang diau benamau Simiun. Diau jemau iluak lagi ta'at ngan Allah. Diau dang nungguka masaunyau Allah endak nyelamatka jemau Israil. Rua Allah nyertaui diau.

RUM 15:5

Aku bedu'a, supayau Allah mbuat kamu suijauan ngan menau Keristus. Allahtu mbuat jemau tekun ngan tegua.

RUM 3:25

Yesus Keristus itula la ditetapka Allah batan endak mati, mangku manusiau pacak seilu'an ngan Allah, amun percayau. Allah ngerjauka titu endak nyatauka, bansau Diautu adil. Senitu Allah ngaligh ngan jemau bedusau, mangku lum diukum.

RUM 3:4

Nidau ka adau! Cetau Allah maju benagh, empuak bilang jemau mbu'ung. Di Injil ditulis, “Cengki Dighi maju nyatau benagh. Dighi menang, amun disalaka.”

RUM 5:5

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

PILIPI 2:1

Kamu tegua, karnau seghundak ngan Keristus. Kamu riang, karnau disayangi Keristus. Kamu dibimbing Rua Allah mangku sangi sialka ngan sangi sayangi.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

KULUSI 1:5

Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

1 TIMUTIUS 1:1

Jak di aku, Paulus. Aku njadi rasul Yesus Keristus karnau perinta Allah, Penyelamat kitau, ngan Yesus Keristus diau njadi aghapan kitau.

1 TIMUTIUS 6:12

Bejuangla nian batan endak setu diau kaba percayaui, mangku kaba dapat upa idup selelamaunyau. Batan endak itula Allah milia kaba, masau kaba ngaku'i di mukau jemau banyak, bansau kaba percayau nian.

2 TIMUTIUS 2:13

Amun kitau nidau setia, Diau maju setia, karnau Diau nidau pacak nidau ngaku'i diriAu.”

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

IBRANI 3:11

Mangku Aku mara ngan besumpa, ‘Ughangtu nidau ka masuak ke nenggeritu, mangku nidau bulia gheghadu di badaKu.’ ”

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 6:17

Allah endak negaska ngan jemau diau nerimau janjiAutu, bansau Diau nidau ka ngubai rencanauNyau. Itula sebapau Diau nambai sumpaHau ngan janjiAutu.

IBRANI 7:19

Ukum Taurattu nidau pacak nyempernauka. Mangku mbak kini kitau dienju'i aghapan diau lebia iluak agi, mangku kitau pacak masighi Allah.

IBRANI 7:21

Yesustu ditetapka njadi imam pakai sumpa Allah, katauNyau ngan Diau, “Tuhan la besumpa, nidau ka beghuba agi, ‘Kabani imam selelamaunyau.’ ”

1 YUHANIS 1:10

Amun kitau bekatau, bansau kitau nidau bedusau, kitau nganggap Allah pembu'ung, mangku Pirman Allah nidau bediau di ati kitau.

1 YUHANIS 5:10

Jemau diau percayau ngan Anak Allah nerimau kici'anNyautu dalam atiau. Anyautu jemau diau nidau percayau ngan Allah nganggap Allah pembu'ung, karnau nidau percayau diau dikiciakkaNyau ceritau Ana'Au.