IBRANI 6:1 - PEJANJIAN EMPAI CERITAU ILUAK

¹ Karnau itu mela kitau jangan ngina'i ajau setu diau diajaghka senitu. Mela kitau belajagh banyak-banyak ceritau ajaghan jak di Keristus. Jangan kitau maju ngajaghka ceritau ngubai jak di kerjau diau nidau begati mangku percayau ngan Allah,

IBRANI 6:1 ပူးပေါင်းရင်းမြစ်များ

MATIUS 21:29

‘Jadi, bak.’ katau anak itu. Anyautu diau nidau pegi.

MATIUS 21:32

Karnau Yuhanis Pembaptis datang nunjuakka ngan kapu dighi carau idup diau dikenda'i Tuhan. Anyautu kapu dighi enggup percayau ngan ajaghannyau. Tapitu tukang tagia cuki ngan tinau pelacur percayau ngan diau. Empuak kapu dighi la nginak gegalaunyau itu, kapu dighi nidau kila ngubai rupu'an ngan nidau percayau ngan diau.”

MATIUS 3:2

“Ubaila perembak ngan dusau kamu, karnau nidau lamau agi Allah ka merinta luak rajau.”

MATIUS 4:17

Jak masau itu Yesus mulai ngiciakka, “Ubaila jak di dusau-dusau kamu, karnau nidau lamau agi Allah ka merinta luak rajau.”

MATIUS 5:48

Kamu mesti sempernau luak Bapak kamu di sergau.”

MATIUS 7:25

Amun aghi ujan ngan ayiak merampus ngan angin deghas nempua ghuma itu, ghumatu nidau rubua, karnau ditegakka bepelapiak batu.

MARKUS 1:1

Inila Ceritau Iluak nceritauka Yesus Keristus, Anak Allah.

MARKUS 6:12

Mangku ughangtu pegi ngiciakka, bansau jemau mesti ngubai peremba'au jak di dusaunyau.

LUKAS 6:48

Jemau itu diumpamauka ngan jemau diau negakka ghuma. Jemautu nggali dedalam, masuakka batu batan pelapiak. Amun ghuma itu ditempur ayiak rawang, nidau ka rubua karnau tegua.

YUHANIS 12:44

Mangku Yesus bekatau bias, “Jemau diau percayau ngan Aku, ukan percayau ngan Aku ajau, tapitu percayau pulau ngan Allah diau ngajung Aku.

YUHANIS 14:1

“Janganla kamu temas.” Katau Yesus, “Percayaula ngan Allah, percayaula pulau ngan Aku.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 17:30

Masau kitau nidau keruan nidau diingatka Allah agi. Mbak kini Allah ngajung gegalau jemau di deniau ngubai jak di peremba'au diau ja'attu.

RASUL 2:38

Pitrus nimbal, “Ubaila perembak kapu dighi jak di dusau ngan mintak dibaptis ngan namau Yesus Keristus, mangku dusau kapu dighi diabiska, mangku kapu dighi ka dienju'i Rua Allah.

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RASUL 26:20

Ngan terang-terangan aku ngiciakka ngan jemau, mbak bansau ughangtu mesti ngubai peremba'au jak di dusaunyau ngan ngulang njenguak Allah ngan mbuktika ngan idupau, bansau ughangtu la ngubai nian. Aku ngiciakka titu dulu sekali di Damsik, udim itu di Yerusalim ngan di gegalau Yudia, mangku pulau ngan jemau bangsau lain.

RASUL 3:19

Karnau itu ubaila perembak ngan dusau kapu dighi, datangla ngan Allah, mangku dusau kapu dighi diabiskaNyau.

1 KURINTUS 13:10

Anyautu nanti ka datang masaunyau, Allah ka nggenapi gegalaunyau. Mangku diau nidau sempernau ka lengit.

1 KURINTUS 2:6

Empuak luak itu, ngan jemau diau la tegua imanautu nyela aku ngajaghka bepengertian, anyautu pengertiantu ukan pengertian deniau, ukan pulau jak di penguasau-penguasau deniauni, jemau diau kuasaunyau ka lengit.

2 KURINTUS 7:1

Kantin-kantinku diau kusayangi. Gegalau janji itu batan endak kitau. Karnau itu mela kitau mberesiaka diri kitau jak di gegalaunyau diau ngumuhi ati ngan rua kitau. Kitau mesti takut ngan Allah, mangku kitau pacak idup beresia batan endak Allah.

2 KURINTUS 7:10

Kemada'an diau jak di Allah ngasilka ati beghuba mangku selamat. Jemau nidau ka nyesali titu. Anyautu kemada'an jak di deniauni kemada'an diau mbenasauka.

IPISUS 2:1

Senitu kamu luak mati, karnau kamu bedusau ngan melanggar perinta Allah.

IPISUS 2:5

mangku masau kitau gi luak mati karnau dusau kitau, kitau diidupka ngan Keristus. Kamu diselamatka cuman karnau keilu'an ati Allah.

IPISUS 4:12

Gegalaunyau dikerjaukaNyau, supayau umat Allah didandani galau, mangku pacak bekerjau batan endak Tuhan, mangku badan Keristus, diautu jemau percayau, diteguaka.

KULUSI 1:28

Diau itula kami kiciakka ngan bilang jemau, amun kami ngingatka ngan ngajagh ughangtu ngan pengertian, mangku bilang jemau njadi sempernau karnau seghundak ngan Keristus.

KULUSI 3:14

Mangku diau penting sekali, kamu mesti sangi sayangi, karnau ngan sayang kamu disatuka nian.

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 TIMUTIUS 6:19

Ngan carau luak itu ughangtu melungguakka retau njadi mudal diau iluak di masau diau ka datang, mangku ka bulia idup nian selelamaunyau.

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

IBRANI 11:6

Amun nidau percayau, nidau ka adau Allah riang ngan jemau. Karnau jemau diau datang ngadap Allah mesti percayau, bansau Allahtu adau, ngan ngenjuakka upa ngan jemau diau ndala'i Diau ngenian.

IBRANI 12:13

Dataghkala jalan kamu, mangku keting kamu diau kincut nidau tegesur, tapitu tamba kuat.

IBRANI 7:11

Karnau imam-imam Liwi ukum Taurat dienjuakka ngan jemau Israil. Anyautu imamtu nidau pacak ngerjaukanyau ngan sempernau. Karnau itu mesti adau imam lain diau nurut carau imam Melkisidik, ukan jak di rumbungan Harun.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

YAKUBUS 1:4

Mangku kamu mesti maju tekun mangku ngasilka diau sempernau, nidau kurang tuapau-apau.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

1 YUHANIS 4:12

Nidau bediau sughang kiala diau kekela nginak Allah. Anyautu amun kitau sangi sayangi, Allah maju seghundak ngan kitau, mangku kitau pacak nyayangi nian.